Alaksiej Chlastoŭ prezientavaŭ novuju pieśniu prosta za styrnom taksi
Alaksiej Chlastoŭ, kancerty jakoha ŭ Biełarusi zabaronieny, znajšoŭ prosty sposab prezientavać novuju pieśniu — na pracoŭnym miescy, za styrnom biznes-taksi.
U sacsietkach źjaviłasia videa, na jakim artyst prezientuje svaju novuju pieśniu «Bieły taniec». Pavodle siužeta rolika, pasažyr vyklikaŭ taksi i sustreŭ tam znakamitaha śpievaka, ale nie pavieryŭ u heta. U jakaści dokazu Chlastoŭ pakazaŭ śviežy trek.
Pracuje śpiavak u «Jandeks.Taksi» ŭ katehoryi biznes-kłasa. Pryčyna takoj radykalnaj źmieny dziejnaści nie vielmi aryhinalnaja dla Biełarusi. U 2023 hodzie stała viadoma, što Alaksiej Chlastoŭ trapiŭ u čorny śpis artystaŭ — to-bok ciapier jon nie moža vystupać navat na karparatyvach.
Paśla pryznańnia Alaksieja biełarusy padtrymali jaho. Niechta publikavaŭ fota ci videa sa śpievakom, dzialiŭsia historyjami, źviazanymi ź im. Chtości zapisvaŭ roliki, jak śpiavaje svaje lubimyja pieśni artysta. I šmat chto pisaŭ, što ciapier chočaš nie chočaš, a pryjdziecca jeździć na taksi.
-
Alaksandr Rybak zaniaŭ u narviežskim adbory na «Jeŭrabačańnie» druhoje miesca
-
Jak K-pop, tolki B-pop — śpiavačka Palina Dabravolskaja zapisała novy albom na biełaruskaj i polskaj movach
-
«Jandeks Muzyku» niemahčyma słuchać». Biełarusy aburanyja abjomami cenzury praz rasijski zakon ab prapahandzie narkotykaŭ
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku7
Kamientary