Šviejcarska-biełaruski Stadler spadziajecca na rasijski rynak
U Pieciarburhu pratestujuć tramvaj vytvorčaści minskaha «Biełkamunmaša» i šviejcarskaha kancerna Stadler.
U čaćvier hubiernatar Pieciarburha Hieorhij Pałtaŭčanka naviedaŭ zavod «Štadler Minsk» u horadzie Fanipal. Vysokamu hościu pakazali trochsiekcyjny tramvaj sa stopracentnym uzroŭniem nizkaj padłohi Stadler 853 («Miacielica»).
U chodzie vizitu hubiernatara było damoŭlena, što ŭzor tramvaja Stadler budzie pieradadzieny horadu dla doślednaj ekspłuatacyi.
Pa infarmacyi pres-słužby Pałtaŭčanki, u budučyni u paŭnočnaj stalicy Rasii moža źjavicca i vytvorčaść kamplektujučych - matornych vazkoŭ dla biełaruskich tramvajaŭ.
Infarmacyja pra toje, dzie budzie znachodzicca placoŭka pad raźmiaščeńnie vytvorčaści, jaki budzie abjom inviestycyj u prajekt i jakija terminy jaho realizacyi, pakul nie raskryvajecca.
Na dumku ekśpiertaŭ, rasijski bok moh vystavić kancernu ŭmovu: kab atrymać bujny zakaz na pastaŭku biełaruskich tramvajaŭ, kamplektujučyja pavinny być pieciarburhskija.
Na dadzieny momant asnoŭnymi pastaŭščykami pieciarburhskaha tramvajnaha parku źjaŭlajucca Uść-Kataŭski vahonabudaŭničy zavod i biełaruski «Biełkamunmaš».
Kamientary