Hrašovyja normy raschodaŭ na charčavańnie ŭ daškolnych ustanovach pavialičylisia.
Heta praduhledžana pastanovaj Savieta Ministraŭ Biełarusi ad 26 listapada 2014 hoda №1104 «Ab uniasieńni źmianieńniaŭ u pastanovu Saŭmina ad 27 krasavika 2013 hoda numar 317», jakaja 29 listapada apublikavana na Nacyjanalnym pravavym internet-partale Biełarusi.
Tak, raschody na charčavańnie va ŭstanovach z praciahłaściu znachodžańnia 10,5 hadziny dla dziaciej va ŭzroście 1-2 hady pavialičvajucca z Br14,010 tys. da Br15,410 tys., va ŭzroście 3-6 hadoŭ - z Br17,770 tys. da Br19,550 tys.
Dla daškolnych ustanoŭ, u jakich dzieci znachodziacca 12 hadzin, normy raschodaŭ taksama pavyšany. Dla małodšych hrup ceny pavialičylisia z Br18,260 tys. da Br20,090 tys., dla dziaciej 3-6 hadoŭ - z Br22,030 tys. da Br24,230 tys.
Akramia taho, źmianiajecca košt charčavańnia dla dziaciej, jakija vučacca ŭ sanatornych jaślach-sadach, dziciačych sadach i hrupach, ustanovie adukacyi «Respublikanski centr dla dziaciej daškolnaha ŭzrostu z parušeńniem słychu» z praciahłaściu znachodžańnia ad 12 da 24 hadzin. Dla dziaciej va ŭzroście 1-2 hady košt charčavańnia pavialičyŭsia z Br20,940 tys. da Br23,030 tys. Dla chłopčykaŭ i dziaŭčynak 3-6 hadoŭ - z Br26,350 tys. da Br28,990 tys.
U pastanovie zakranuty taksama daškolnyja ŭstanovy na terytoryi radyjeaktyŭnaha zabrudžvańnia. Hrašovyja raschody na charčavańnie ŭ takich ustanovach z praciahłaściu znachodžańnia 10,5 hadziny pavialičylisia dla dziaciej 1-2 hadoŭ z Br16,550 tys. da Br18,210 tys., dla dziaciej 3-6 hadoŭ - z Br21,510 tys. da Br23,660 tys. U małodšych hrupach, dzie dzieci znachodziacca 12 hadzin, normy pavysilisia z Br19,6 tys. da Br21,560 tys. V hrupach ad 3 da 6 hadoŭ - z Br25,130 tys. da Br27,640 tys.
Hrašovyja normy raschodaŭ na charčavańnie vyraśli taksama ŭ centrach karekcyjna-raźvivajučaha navučańnia i reabilitacyi, škołach, himnazijach i licejach.
Pastanova ŭstupaje ŭ siłu z momantu jaje aficyjnaha apublikavańnia.
Kamientary