Kab dakazać, što vy nie robat, pryjdziecca raspaznavać kocikaŭ
Kampanija Google pradstaviła novuju sistemu raspaznavańnia «čałaviek-robat» pad nazvaj No-CAPTCHA.
Novuju sistemu ŭžo pačali vykarystoŭvać Snapchat, Wordpress i HumbleBumble. Pierachod na novuju viersiju «kapčy» nie abaviazkovy, staraja ReCAPTCHA (jakaja prosić karystalnika raspaznać tekst) praciahvaje rabotu.
Ale novaja sistema zručniejšaja dla karystalnika. Kali analiz pavodzinaŭ karystalnika i jaho IP-adrasa nie vyjavić padabienstva da «robata» (naprykład, spam-bota), karystalniku treba budzie tolki pastavić hačak la nadpisa «Ja nie robat».
Padazronym karystalnikam No-CAPTCHA prapanuje raspaznać, na jakich fota z naboru, naprykład, kacianiaty.
Takim čynam karystalnik nie tolki spraŭdžvaje svaju «naturalnaść», ale i padvyšaje jakaść pošuku Google pa malunkach.
Biełarusam, vierahodna, pryjdziecca raspaznać niemała kocikaŭ. U śviecie skončvajucca adrasy farmatu IPv4, a na novuju viersiju farmatu IPv6 (jakaja dazvolić nadać IR-adras litaralna kožnaj piasčyncy) Biełaruś jašče nie pierajšła.
Zaraz u časy pikavaj nahruzki biełaruskija karystalniki siervisaŭ Google musiać uvodzić «kapču» (nabor ličbaŭ ci litar), kab dakazać, što jany nie smam-boty.
Pa adnym IP-adrasie mohuć znachodzicca dziasiatki karystalnikaŭ. I kali prynamsi adzin ź ich zapadozrany ŭ rassyłcy smapu ci inšaj škodnaj dziejnaści, Google paznačaje IP-adras jak padazrony. Błakiroŭki z boku Yandex i inšych pošukavych siervisaŭ zdarajucca značna radziej.
Ciapier čytajuć
Zahinuŭ biełaruski dobraachvotnik Vasil «Dzir» Rapicki11
Kamientary