Kiraŭnik frakcyi ŁDPR u Dziarždumie Rasii Uładzimir Žyrynoŭski ličyć dvuchpartyjnuju sistemu ideałam u palitycy, zajaviŭ jon padčas intervju «Haziecie.Ru».
«My vystupali zaŭsiody za dvuchpartyjnuju sistemu, kali šmat partyj, paradku niama. Lepš dźvie kamandy, što pastajanna źmianiajuć adzin adnaho. U nas pakul hetaha nie atrymałasia, pakul adna vialikaja partyja, astatnija maleńkija», — skazaŭ lidar ŁDPR.
U ideale Žyrynoŭski bačyć u budučyni dvuchpartyjnuju sistemu z «Adzinaj Rasijaj» i ŁDPR.
«Adzinaja Rasija» jak kansiervatary, a my — pravacentrysty. ŁDPR padbiraje pad siabie i krychu levuju ideałohiju, sprabujem padciahnuć biednych da siaredniaha kłasa. My za demakratyju — patrebnyja svabody i troški kansiervatary — nie treba ŭsio łamać i na pustym miescy budavać. I troški nacyjanalnaje ruskaje pytańnie, ale nie nacyjanalisty jak udzielniki «Ruskaha maršu» abo padobnyja im va Ukrainie», — skazaŭ Žyrynoŭski.
Pavodle jaho słoŭ, ludzi «stamlajucca, kali pieramahaje pastajanna adna kamanda»: «Heta prabuksoŭvaje i pačynajecca «Bałotnaja», «Majdan» u Kijevie i hetak dalej».
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ6
Kamientary