velcom praviadzie noč źnižak z 20 na 21 śniežnia
Mabiłńny apieratar velcom abvieściŭ ab praviadzieńni navahodniaha rasprodažu ŭ Minsku, Homieli, Mahilovie, Breście, Babrujsku i Pinsku.
Z 22:00 20 śniežnia pa 3:00 21 śniežnia ŭ dzieviaci firmovych centrach velcom buduć dziejničać admysłovyja źnižni na smartfony i płanšety. U akcyi biare ŭdzieł amal usie madeli, što pradaje velcom, bolš za 60 vidaŭ aparataŭ. Asobny padarunak čakaje tych, chto apłacić pakupku bankaŭskaj kartaj.
Apieratar abiacaje źnižki da 1,5 młn rubloŭ.
Udzieł u akcyi mohuć uziać tolki abanienty velcom, na čyich taryfach abanientskaja płata vyšej za «Lohki». Taksama ŭ akcyi nie biaruć udzie abanienty «Privet» i «Suviaź biez abaviazkaŭ». Dla ŭdziełu ŭ akcyi treba padpisać dadatkovaje pahadnieńnie na karystańnie pasłuhami apieratara na termin ad 6 miesiacaŭ, a značyć mieć pry sabie pašpart.
Adrasy centraŭ, što ŭdzielničajuć u rasprodažy:
- Minsk: Internacyjanalnaja, 36; Mielnikajte, 14; Kalvaryjskaja, 24.
- Homiel: Mazurava, 79; pr-t Lenina, 3.
- Mahiloŭ: Leninskaja, 21.
- Brest: Maskoŭskaja, 210.
- Babrujska: Minskaja, 51.
- Pinsk: Pieršamajskaja, 10.
Takuju samuju akcyju velcom pravodziŭ u minułym hodzie. Tady za košt zdviuch nočaŭ rasprodažaŭ u piaci kramach była vykananaja «dzionnaja norma» kramaŭ velcom pa ŭsioj respublicy razam uziatych. Samym papularnym telefonam tych rasprodažaŭ staŭ Samsung Galaxy S4 mini, a samym papularnym płanšetam – Lenovo IdeaTab A3000.
Kamientary