Pahrom u Hrodzienskim univiersitecie praciahvajecca: kantrakt nie padoŭžany z archieołaham Hienadziem Siemienčukom
«Mianie siońnia pastavili pierad faktam, što ad 27 studzienia 2015 sa mnoj bolej nie budzie praciahvacca kantrakt, - kaža dacent Hienadź Siemiančuk. – Heta artykuł 35 častka 2 «Pracoŭnaha kodeksu» – «Skančeńnie termina pracoŭnaj damovy».
Pakul Hienadź Siemiančuk nie choča ahučvać padrabiaznaści zvalnieńnia. Kaža, što na 26 śniežnia jon zapłanavaŭ pres-kanfierencyju.
Hienadź Siemiančuk vykładaŭ u Hrodzienskim univiersitecie ad 25 žniŭnia 1991 hoda. «Adrazu paśla taho, jak u Maskvie putč pravaliŭsia, ja pryjšoŭ uładkoŭvacca na pracu. Tahačasny rektar Alaksandr Badakoŭ tolki spytaŭsia ŭ mianie, jak ja staŭlusia da nacyjanalnaha adradžeńnia. Narmalna staŭlusia, adkazaŭ ja.
Pravilna robiš, my pavinny iści ŭ pieršych šerahach adradžencaŭ, skazaŭ mnie na heta Badakoŭ. Darečy, paru miesiacaŭ tamu jon pamior».
Spadar Siemiančuk kaža, što tolki za apošni hod raspracavaŭ 4 śpieckursy, jakija ciapier nieviadoma chto budzie čytać. Siemiančuk stvaryŭ navukovy dapamožnik dla studentaŭ «Archieałohija Biełarusi» ŭ 2 tamach. Jon źjaŭlajecca adnym z najbolš aŭtarytetnych i šanavanych archieołahaŭ Biełarusi.
Litaralna paru dzion tamu z Hrodzienskaha ŭniviersiteta zvolnili doktarku histaryčnych navuk Śviatłanu Kul-Sialvierstavu. Jašče raniej pracu ŭ VNU pazbavilisia Andrej Čarniakievič, Viačasłaŭ Švied, Ina Sorkina, Ihar Kuźminič.
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?31
Kamientary