Aŭtar pateryjany Džoan Roŭlinh ździŭlenaja uvahaj prychilnic da piersanaža Draka Małfoja, jaki pavodle siužetu źjaŭlajecca voraham Hary Potera. Novuju historyju pra Małfoja piśmieńnica apublikavała na sajcie Pottermore.com, pryśviečanym sieryi svaich ramanaŭ.
Roŭlinh ličyć, što Małfoj nie varty takoj uvahi z boku dziaŭčat, bo jaho maralnyja jakaści i pavodziny pakidajuć žadać lepšaha.
Pa słovach piśmieńnicy, joj davodziłasia trymać siabie ŭ rukach, kali jana bačyła vialikuju kolkaść listoŭ z prośbaj raspavieści pra hetaha hieroja. «Mianie niervuje jaho papularnaść», - dzielicca aŭtar pateryjany.
Na jaje dumku, u takoj lubovi «vinavaty» akcior, dobra syhraŭ u ekranizacyi junaha złodzieja — Tom Fełtan.
Pa ironii losu, Roŭlinh ličyć hetaha artysta samym pryjemnym u śviecie čałaviekam.
Pačynajučy ź siaredziny śniežnia Roŭlinh publikuje dadatkovuju sieryju apaviadańniaŭ ab starych hierojach pateryjany pad nazvaj «12 dzion Kaladaŭ».
Pavodle ramanaŭ Roŭlinh, Draka Małfoj — student škoły čaraŭnikoŭ Chohvarts, adnahodak Hary Potera. Chłopčyki jašče na pieršym kursie stali zaklatymi vorahami
-
10 000 aŭtaraŭ u Brytanii vypuścili «pustuju» knihu, pratestujučy suprać vykarystańnia štučnaha intelektu
-
Vydaviectva Gutenberg Publisher zapisała aŭdyjaviersiju apaviadańnia Jevy Viežnaviec «Hajučaja nianaviść»
-
Cichan Čarniakievič: Realnaść stała takoj absurdnaj, što chočacca zapisać jaje, pakul nie źnikła
Kamientary