Łukašenka: Ja stanu prezidentam, navat kali ŭvieś śviet suprać
Na pres-kanfierencyi ŭ Maskvie jon zajaviŭ, što jon nie toj čałaviek, jakoha lohka adchilić.
Alaksandr Łukašenka vykazaŭ upeŭnienaść u tym, što jon vyjhraje prezidenckija vybary ŭ 2015 hodzie.
«Łukašenka nie toj čałaviek, jakoha možna adstroić… Supakojciesia, spadary! Łukašenka nie toj čałaviek, jakoha možna adstroić, jon užo prezidenckaha chleba najeŭsia. Navat u samaj horšaj situacyi ja pakutavać nie budu. adstroić mianie moža tolki biełaruski narod. Navat kali ŭvieś śviet vystupić siońnia suprać Łukašenki, jon usio roŭna stanie prezidentam, kali jon hetaha zachoča», — skazaŭ Łukašenka na pres-kanfierencyi ŭ Maskvie.
Alaksandr Łukašenka taksama zajaviŭ, što Minsk nie žadaje «niešta adchapić u Rasii», skarystaŭšysia jaje składanym ekanamičnym stanoviščam.
«Niekatoryja ŚMI zajavili ab tym, što sajuźniki chočuć niešta ŭ dadzienaj situacyi, pryjechaŭšy ŭ Maskvu, adchapić, adščypnuć u Rasii. […] Kali našym bratam-rasiejcam niešta treba budzie i my budziem na niešta zdolnyja, my zaŭsiody padstavim svajo plačo», - skazaŭ Łukašenka na pres-kanfierencyi paśla pasiadžeńnia Najvyšejšaj Jeŭrazijskaj ekanamičnaj rady.
Pavodle słoŭ biełaruskaha lidara, jon abmierkavaŭ z rasijskim prezidentam Uładzimiram Pucinym «uvieś vuzieł prablem», jakija jość u adnosinach dźviuch krain.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary