Hrecyja arhanizavała bujnuju vyratavalnuju apieracyju, kab evakuiravać kala 460 čałaviek z paroma «Norman Atłantyk», jaki zahareŭsia na zachad ad vostrava Korfu.
Italjanski parom, jaki pieravoziŭ aŭtamabili i 466 pasažyraŭ z Hrecyi ŭ Italiju, zahareŭsia ŭ Adryjatyčnym mory ŭ niadzielu ranicaj. Pa dadzienych ahienctva Rojterz, pažar pačaŭsia ŭ hruzavym adsieku, dzie znachodzilisia 222 aŭtamabili.
Miascovyja ŭłady paviedamlajuć, što kala 150 čałaviek užo znachodziacca ŭ vyratavalnych šlupkach, adnak z-za štarmavoha vietru pierapravić na inšaje sudna ŭdałosia pakul tolki niekalki dziesiatkaŭ čałaviek. Pradstaŭniki bierahavoj achovy Hrecyi raspaviali, što niekalki sudoŭ atačyli parom «Norman Atłantyk», kab pamienšyć ŭździejańnie mocnych chvalaŭ.
Pavodle niekatorych dadzienych, pažar na borcie paroma ŭdałosia ŭziać pad kantrol. Paviedamleńniaŭ ab achviarach niama.
Kamientary