Nacbank Biełarusi budzie abaraniać pravy fizasob — spažyŭcoŭ lizinhavych pasłuh

Nacyjanalny bank Biełarusi budzie abaraniać pravy fizičnych asob — spažyŭcoŭ lizinhavych pasłuh. Ab hetym paviedamili ŭ Nacbanku, kamiencirujučy ŭkaz numar 615 ad 25 śniežnia 2014 hoda, jakim karekcirujecca statut rehulatara.

Ukaz pryvodzić statut Nacbanka ŭ adpaviednaść sa źmienienym zakanadaŭstvam, u pryvatnaści z ukazam numar 99 ab pytańniach rehulavańnia lizinhavaj dziejnaści, jaki byŭ padpisany ŭ minułym hodzie. U adpaviednaści z ukazam źjaviŭsia novy miechanizm nabyćcia fizičnymi asobami majomaści nie dla pradprymalnickich met — finansavaja arenda (lizinh). «Mienavita ŭ hetym vidzie lizinhu najbolš vialikija ryzyki parušeńnia pravoŭ spažyŭcoŭ finansavych pasłuh u suviazi z adsutnaściu praktyki vykarystańnia hetaha finansavaha instrumienta jak lizinhadaŭcami, tak i hramadzianami», — adznačyli ŭ Nacbanku. Z ulikam hehata i ŭ metach kompleksnaha rehulavańnia lizinhavaj dziejnaści, kantrolu za vykanańniem zakanadaŭstva ŭ hetaj śfiery Nacyjanalny bank budzie mieć mahčymaść prymać miery, nakiravanyja na abaronu pravoŭ spažyŭcoŭ takich finansavych pasłuh.

Nacbank zmoža razhladać zvaroty fizičnych asob, akazvać nasielnictvu jurydyčnuju dapamohu, davać kansultacyi i pradastaŭlać rekamiendacyi pa pytańniach abarony pravoŭ spažyŭcoŭ lizinhavych pasłuh. Rehulatar, zhodna z ukazam, zmoža nakiroŭvać rekamiendacyi i pradpisańni ab ustaranieńni vyjaŭlenych niedachopaŭ, pravodzić pazapłanavyja pravierki dziejnaści lizinhavaj arhanizacyi. Vyjaviŭšy parušeńni, jakija možna pryličyć da administracyjnych abo kryminalnych pravaparušeńniaŭ, Nacbank budzie nakiroŭvać materyjały ŭ orhany, upaŭnavažanyja składać pratakoły ab administracyjnych pravaparušeńniach, uzbudžać kryminalnyja spravy.

Akramia taho, statut Nacbanka karekcirujecca z ulikam taho, što jaho kampietencyja raspaŭsiudžvajecca na rehulavańnie pasłuh mikrafinansavych arhanizacyj. Jak pakazvaje mižnarodny vopyt, mienavita Centralny bank krainy jak rehulatar roznych finansavych adnosin prymaje na siabie funkcyi pa abaronie pravoŭ spažyŭcoŭ na finansavym rynku, u pryvatnaści pry ažyćciaŭleńni bankaŭskaj, lizinhavaj i mikrafinansavaj dziejnaści, padkreślili ŭ Nacbanku, dadaŭšy, što na metazhodnaść nadzialeńnia biełaruskaha Centrabanka funkcyjami pa abaronie pravoŭ spažyŭcoŭ finansavych pasłuh ukazvaŭ i Suśvietny bank.

Asnoŭnyja pałažeńni ŭkaza numar 615 ustupajuć u siłu praz šeść miesiacaŭ paśla aficyjnaha apublikavańnia (30 śniežnia 2014 hoda).

• 0
• 0
• 0
• 0
• 0
• 0
• 0
• 0