Rasijskaja palicyja zatrymała «hastralora» ź Biełarusi, jaki ździejśniŭ sieryju kradziažoŭ u Smalensku i Sankt-Pieciarburhu, paviedamili ŭ pres-słužbie ŭpraŭleńnia MUS Rasii pa Smalenskaj vobłaści.
U 2014 hodzie ŭ Smalenskaj vobłaści była ździejśnienaja sieryja padobnych kradziažoŭ: u roznyja ŭstanovy (kramy, sacyjalnyja ŭstanovy, haścinicu) prychodziŭ adzin i toj ža małady mužčyna, nazyvaŭsia aficyjnaj asobaj i, usialak sprabujučy adciahnuć razmovami ŭvahu rabotnikaŭ hetych pradpryjemstvaŭ, nieprykmietna vykradaŭ u ich kašalki z hrašyma, sotavyja telefony i inšyja kaštoŭnyja rečy, paśla čaho imkliva ŭciakaŭ ź miesca złačynstva.
Paciarpiełyja hramadzianie źviartalisia pa dapamohu ŭ palicyju. Byli raspačatyja kryminalnyja spravy pa prykmietach składu złačynstva, praduhledžanaha artykułam 158 Kryminalnaha kodeksa RF «Kradziež».
Padčas pracy nad raskryćciom sieryi kradziažoŭ supracoŭniki kryminalnaha vyšuku vyjavili, što da ich ździajśnieńnia datyčny 34-hadovy hramadzianin Biełarusi, raniej sudzimy za anałahičnyja złačynstvy, biez aficyjnaha miesca žycharstva. «U chodzie adpracoŭki znajomych i svajakoŭ złamyśnika palicyjanty atrymali infarmacyju, što šukany hramadzianin moža znachodzicca na terytoryi Sankt-Pieciarburha», — paviedamili ŭ pres-słužbie.
Pry ŭzajemadziejańni z kalehami z paŭnočnaj rasijskaj stalicy padčas sumiesnych apieratyŭna-vyšukovych mierapryjemstvaŭ supracoŭnikam kryminalnaha vyšuku ŭdałosia znajści miescaznachodžańnia złamyśnika. Jak vyśvietliłasia, jon paśpieŭ ździejśnić kradziež hrošaj u naviedvalnika adnaho z kafe Sankt-Pieciarburha. Prahledzieŭšy zapisy z kamier videanazirańnia, palicyjanty vyśvietlili asobu šukanaha i nieŭzabavie jaho zatrymali.
Złamyśnik aryštavany. Rasśledavańnie kryminalnych spraŭ praciahvajecca. Palicyjanty praviarajuć dačynieńnie padazronaha da ździajśnieńnia anałahičnych złačynstvaŭ jak na terytoryi Smalenskaj vobłaści, tak i Sankt-Pieciarburha.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary