Hienieralny prakuror Rasii Juryj Čajka zajaviŭ, što ŭkrainskija pravaachoŭniki nie dasyłali zapytaŭ ab vydačy byłoha prezidenta Viktara Janukoviča, jaki znachodzicca na terytoryi RF.
«Zapyty ab vydačy ukrainskich palityčnych dziejačaŭ, u tym liku i Janukoviča, z kampietentnych orhanaŭ Ukrainy pakul nie pastupali. Pry pastupleńni takich zapytaŭ buduć razhladać u adpaviednaści ź mižnarodnymi damovami i zakanadaŭstvam Rasii», - zajaviŭ rasijski hienprakuror u intervju vydańniu «Rośsijskaja hazieta».
U toj ža čas Juryj Čajka adznačyŭ, što hienieralnyja prakuratury Rasii i Ukrainy kantaktujuć u narmalnym režymie.
Raniej hienprakuror Ukrainy Vital Jarema zajaŭlaŭ, što Hienprakuratura Rasii ihnaruje zapyty ab ekstradycyi ŭkrainskich eks-čynoŭnikaŭ, jakija ŭciakli ŭ Rasiju.
Kamientary