Ułady Vieniesueły zabaranili žycharam krainy naviedvać dziaržaŭnyja charčovyja kramy čaściej za dva razy na tydzień.
Pra heta paviedamlaje hazieta Times.
Takoje rašeńnie pryniali z-za ekanamičnaha kryzisu, jaki vyklikany padzieńniem cenaŭ na naftu. U krainie, jak adznačaje hazieta, nazirajecca vysoki rost cenaŭ i deficyt charčavańnia. Inflacyja ŭ krainie, pa słovach prezidenta krainy Nikałasa Madury, składaje 63%.
Kala dziaržaŭnych praduktovych kram dziažurać palicejskija, jakija praviarajuć dakumienty ŭ naviednikaŭ.
Taksama dziažurać kala ich i supracoŭniki imihracyjnaj słužby, kab zamiežniki nie kuplali pradukty dla adpraŭki ich kantrabandaj u susiednija krainy.
Karłas Asorya — kiraŭnik nacyjanalnaj słužby praduktovaj biaśpieki, upeŭnieny, što čerhi ŭ kramach tolki kažuć pra šyrokaje praduktovaje bahaćcie.
«Kali b u Vieniesuele nie było ježy, nie było b i čerhaŭ, jakija my tut bačym. U nas nie źbirałasia b stolki ludziej u hetych ustanovach. Heta najlepšaja demanstracyja taho, što ŭ nas jość», — zajaviŭ jon u efiry dziaržaŭnaha telebačańnia.
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta7
Kamientary