Analityki pasprabavali rastłumačyć, čamu Kreml pajšoŭ na abvastreńnie kanfliktu na Danbasie
Ekśpierty polskaha Centra ŭschodnich daśledavańniaŭ (OSW, Varšava) u svaim ahladzie adznačajuć što aktyvizacyja bajavych dziejańniaŭ u Danieckaj i Łuhanskaj abłaściach nastupiła paśla taho, jak ES admoviŭsia ad sustrečy na ŭzroŭni kiraŭnikoŭ dziaržaŭ u «narmandskim» farmacie biez prahresu ŭ vykanańni Minskich pratakołaŭ.
«Kreml pryjšoŭ da vysnovy, što tolki pahroza surjoznaha abvastreńnia kanfliktu, adkaznaść za jakoje ŭskładzienaja na Kijeŭ, dapamoža vyjści z hłuchoha palityčnaha kuta i pierakanaje ES, uklučajučy Hiermaniju, pahadzicca na nievykanańnie Rasijaj Minskich damoŭlenaściaŭ», — adznačyli jany.
Ekśpierty adznačyli, što, niahledziačy na aficyjnuju rytoryku, Maskva nie zacikaŭlenaja ŭ poŭnym vykanańni padpisanych u Minsku pratakołaŭ, a mienavita — adviadzieńni sieparatystami ciažkaha ŭzbrajeńnia, stvareńni zony biaśpieki ŭzdoŭž miažy i mižnarodny manitorynh jaje.
«Meta Rasii, jakaja staić za sieparatystami, prymusić ES, u pieršuju čarhu, Hiermaniju, pahadzicca na ŭdzieł u mirnym samicie ŭ Astanie biez papiarednich umoŭ (realizacyi Minskich damoŭlenaściaŭ) i prymusić Kijeŭ — pry padtrymcy zachodnich dziaržaŭ — pačać praces palityčnaha rašeńnia kanfliktu na niavyhadnych dla Ukrainy umovach», — pišuć analityki.
Jany taksama adznačyli, što pastupovaje zamarožvańnie kanfliktu ŭ rehijonie, jakoje mieła miesca ź vieraśnia 2014 hoda i supravadžałasia spynieńniem finansavańnia Kijevam padkantrolnych bajevikam terytoryj, niavyhadna Maskvie, pakolki abmiažoŭvaje jaje mahčymaści ŭpłyvu na ŭkrainskuju ŭładu.
Kamientary