Kiraŭnik kampanii Google Eryk Šmit skazaŭ, što ŭ chutkim časie internet źniknie, a na jaho miesca pryjduć novyja vysokatechnałahičnyja pryłady. Pra heta ŭ piatnicu, 23 studzienia, piša The Daily Mail.
«Ja adkažu vielmi prosta — internet źniknie», — skazaŭ jon, vystupajučy na Suśvietnym ekanamičnym forumie ŭ Davosie.
Na dumku Šmita, u budučyni budzie «tak šmat IP-adrasoŭ, tak šmat pryład, datčykaŭ, štukovin, jakija vy nosicie, štukovin, ź jakimi vy ŭzajemadziejničajecie», što karystalniki prosta nie zaŭvažać źniknieńnie hłabalnaj sietki.
«Heta budzie častkaj vašaj prysutnaści ŭvieś čas.
Ujavicie, što vy ŭvachodzicie ŭ pakoj, i pakoj źjaŭlajecca dynamičnym. I, z vašaha dazvołu, vy ŭzajemadziejničajecie z usim tym, što znachodzicca ŭ pakoi», — dadaŭ kiraŭnik internet-kampanii.
U vysokatechnałahičnaj śfiery, na dumku Šmita, niama vialikaha skaračeńnia pracoŭnych miescaŭ. Pavodle jaho słoŭ, adno stvoranaje pracoŭnaje miesca pracy ŭ hetaj śfiery paciahnie za saboj stvareńnie siami novych ź inšych halinaŭ.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii9
Kamientary