Pavodle aficyjnych źviestak, inflacyja ŭ 2007 hodzie padskočyła da 12,1 %. Jana apiaredziła staŭku refinansavańnia na 2,1 %, što robić lubyja ŭkłady i depazyty ŭ biełaruskich rublach stratnymi. Ekanamisty pradkazvajuć padzieńnie rublovych źbieražeńniaŭ.
Pavodle aficyjnych źviestak, inflacyja ŭ 2007 hodzie padskočyła da 12,1 %.
Pavodle aficyjnych źviestak, inflacyja ŭ 2007 hodzie skłała 12,1 %, pry hetym u śniežni 2007 h. jaje rost skłaŭ 2,4 %. Varta nahadać, što ŭ adpaviednaści z Asnoŭnymi kirunkami hrašova-kredytnaj palityki Biełarusi na 2007 hod hadavaja inflacyja była zaplanavanaja ŭ miežach 6—8%.
Staŭka refinansavańnia, miž tym, zastajecca na ŭzroŭni 10 %. Heta źviazana z palityčnaj zadačaj utrymać kurs dalara lubym koštam. Inflacyja apiaredziła staŭku refinansavańnia na 2,1 %, što robić lubyja ŭkłady i depazyty ŭ biełaruskich rublach stratnymi. Ekanamisty Jarasłaŭ Ramančuk i Stanisłaŭ Bahdankievič pradkazvajuć, što nasielnictva zaraz pačnie masava zdymać svaje rublovyja źbieražeńni z bankaŭ i abo ŭkładać ich u tavary, abo pieravodzić u valutu.
Premjer-ministar Siarhiej Sidorski tłumačyć inflacyju pa-saviecku: niedachopami na miescach. Jon adznačyŭ nieadkaznaje staŭleńnie abłaściej i asobnych ministraŭ u hetym pytańni: «Na žal, trojčy pryniatyja ŭradam pastanovy ab pakarańni słužbovych asobaŭ za nievykanańnie asobnych daručeńniaŭ, što datyčyli pytańniaŭ inflacyi na miescach, nie dali vynikaŭ».
U Biełarusi budzie pryniataja systema mieraŭ pa papiaredžańni inflacyjnych pracesaŭ u 2008 h., abiacaje Sidorski. Jon nahadaŭ, što ŭ biahučym hodzie inflacyja zaplanavanaja ŭ miežach tych samych 6—8 %. Pavodle jaho słovaŭ, Ministerstva ekanomiki pavinna prapanavać adpaviedny plan dziejańniaŭ pa ŭrehulavańni inflacyjnych pracesaŭ.
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta11
Kamientary