Prakuraturaj Minskaj vobłaści ŭ sud Barysaŭskaha rajona nakiravana sprava ŭ dačynieńni da 20-hadovaha vajennasłužačaha terminovaj słužby adnoj z vajskovych čaściej, dziejańni jakoha orhanam kryminalnaha pieraśledu kvalifikavany pa art. 454 KK (parušeńnie praviłaŭ niasieńnia vajskovaj słužby) i č. 2 art. 455 KK (pieravyšeńnie ŭłady, spałučanaje z nasillem).
Jak paviedamiła BiełaPAN staršy pamočnik prakurora Minskaj vobłaści Łarysa Parchimovič, zhodna z pradjaŭlenym abvinavačańniem, vajennasłužačy, prachodziačy słužbu na pasadzie kamandzira adździaleńnia inžynierna-sapiornaha ŭzvoda ŭ vajskovym zvańni małodšaha siaržanta, u adzin ź dzion lipienia 2014 hoda, znachodziačysia ŭ spalnym pamiaškańni kazarmy, prymianiŭ u dačynieńni da padnačalenaha fizičnaje nasille, pryčyniŭšy paciarpiełamu cialesnyja paškodžańni ŭ vyhladzie pierałomu kaściej nosa, rany i krovvapadcioku tvaru, jakija adnosiacca da katehoryi lohkich cialesnych paškodžańniaŭ, što paciahnuła za saboj karotkačasovaje rasstrojstva zdaroŭja.
Abvinavačvany znachodzicca pad vartaj.
Za parušeńnie praviłaŭ niasieńnia ŭnutranaj słužby (art. 454 KK) u adpaviednaści z kryminalnym zakanadaŭstvam moža być pryznačana pakarańnie ŭ vyhladzie pazbaŭleńnia voli terminam da 2 hadoŭ, a za pieravyšeńnie ŭłady, spałučanaje z nasillem (č. 2 art. 455 KK) — pazbaŭleńnie voli na termin ad 3 da 10 hadoŭ. Sudom moža być taksama prymieniena kanfiskacyja majomaści i pazbaŭleńnie prava zajmać peŭnyja dziejańni abo zajmacca peŭnaj dziejnaściu.
Kamientary