26-y fiestyval biełaruskaj muzyki projdzie pad Biełastokam 17-18 lipienia.
Arhanizatary ŭžo rychtujuć prahramu i kansultujucca nakont vizavaj padtrymki, raspaviała kiraŭnička Biełaruskaha abjadnańnia studentaŭ Hanna Piakarskaja ŭ hutarcy z Radyjo Racyja. Nieabchodnaje festu finansavańnie ŭžo atrymanaje.
Fiestyval projdzie 17-18 lipienia ŭ tradycyjnym miescy — na palanie Borek kala Haradka, što niedaloka ad biełaruskaj miažy.
Arhanizatary płanujuć interaktyŭnuju prahramu «BASmiežža», dzie muzyki, słuchačy i žurnalisty zmohuć sustrecca i parazmaŭlać, a taksama chočuć zładzić vialiki mastacki prajekt nakštałt hrafici na adnoj sa ścien u Haradku.
Fest vierniecca da tradycyjnaj konkursnaj prahramy, ad jakoj admoviŭsia ŭ 2009 hodzie.
***
«Basovišča» ŭpieršyniu było praviedzienaje ŭ 1990 hodzie. Ź ciaham času fest staŭ adnoj z hałoŭnych placovak biełaruskamoŭnaj muzyki. Z 1992 pa 2009 hod pravodziŭsia konkurs maładych hurtoŭ, siarod pieramožcaŭ jakoha Znich, Zet,:B:N:, Mauzer i inšyja. Arhanizatary namahajucca pradstavić naviednikam ź Biełarusi biaspłatnyja vizy.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary