Brus Dykinsan paśpiachova pazbaviŭsia ad nievialikaj rakavaj puchliny.
Napiaredadni Kaladaŭ u 56-hadovaha Brusa Dykinsana była znojdzienaja nievialikaja rakavaja puchlina na nižnim boku jazyka. Siamitydniovy kurs chimijaterapii i radyjałohii byŭ zavieršany 18 lutaha, paviedamlaje aficyjny sajt Iron Maiden.
Puchlina była znojdzienaja na rańniaj stadyi, prahnozy pa lekavańni pazityŭnyja.
«Brus trymajecca vielmi dobra z ulikam abstavin, uvieś hurt nastrojeny pazityŭna», — piša Iron Maiden na aficyjnym sajcie.
Miedyki raźličvajuć na poŭnaje adnaŭleńnie zdaroŭja śpievaka ŭ kancy maja, ale zatym Dykinsanu spatrebicca jašče niekalki miesiacaŭ, kab viarnuć formu.
***
Brus Dykinsan sa škoły vystupaŭ u składzie hurta Styx, paźniej dałučyŭsia da Samson. U skład Iron Maiden Dykinsan pryjšoŭ u 1981 hodzie na źmienu Połu Dy'Ana, pieršym albomam ź jaho ŭdziełam staŭ «The Number of the Beast». Pakinuŭ hurt u 1993 hodzie dziela solnaj karjery. Albomy Iron Maiden, zapisanyja bieź jaho ŭdziełu, nie mieli pośpiechu u krytykaŭ i fanataŭ. Dykinsan viarnuŭsia ŭ Iron Maiden u 1999 hodzie, z taho času niaspynna vystupaje z hurtom. Ličycca adnym z hałoŭnych vakalistaŭ žanru heavy metal. Taksama maje licenziju piłota i kiruje Boeing 757, piša fantastyčnyja ramany.
Kamientary