Kreml patrabuje ad Kijeva płacić za haz, jaki spažyvajuć «DNR» i «ŁNR»
Raniej Ukraina prypyniła padaču hazu na akupavanyja terytoryi, a Rasija pačała pampavać tudy paliva naŭprost praz Łuhansk.
Paśla zachopu Debalcava Rasija znajšła novuju pryčepku da Ukrainy. Na fota: rasijskija siły viaduć abstreł ukrainskaj terytoryi z rakietnych ustanovak «Hrad». Fota buzzfeed.com.
Učora pytańniu pastavak hazu na Danbas było pryśviečana pasiedžańnie Rady biaśpieki Rasii na čale z Pucinym. Raniej za kožnaj abvieščanaj naradaj takoha vysokaha ŭzroŭniu išło niejkaje rezkaje rašeńnie.
Premjer-ministr Rasii Dźmitryj Miadźviedzieŭ zajaviŭ, što za paliva, jakoje Maskva pastaŭlaje ŭ Danieckuju i Łuhanskuju vobłaść, pavinien płacić Kijeŭ.
«Pavodle dziejučych kantraktnych abaviazańniaŭ Kijeŭ papiarednie apłočvaje rasijski haz. Ź siońniašnimi abjomami našych pastavak, uklučna z «DNR» i «ŁNR», ukrainskich hrošaj chopić usiaho na niekalki dzion. Za haz treba płacić», — napisaŭ Miadźviedzieŭ na svajoj staroncy ŭ Fejsbuku.
Z aŭtorka pastaŭki pryrodnaha hazu na Danbas spyniłasia z-za razbureńnia infrastruktury. Paśla hetaha Rasija pačała pastaŭki paliva na Danbas naŭprost praz Łuhansk, a nie praz ahulnuju ŭkrainskuju sietku.
Kijeŭ akazvajecca ŭ patavaj situacyi. Rasija patrabuje ź jaho apłaty za pastaŭleny ŭ Danieck i Łuhansk haz. U toj ža čas DNR i ŁNR pastavak hazu nie apłačvajuć. Miž tym Maskva i tak biare z Kijeva za haz pa najvyšejšych u Jeŭropie taryfach, što pastaviła Ukrainu na miažu bankructva.
Nie vyklučana, što ŭ bližejšyja dni Jeŭropu čakaje žorstki hazavy kryzis.
Kamientary