Śledčy kamitet ličyć, što zabojstva Barysa Niamcova mahło być ździejśniena dla destabilizacyi situacyi ŭ Rasii. Ab hetym paviedamlajecca na sajcie viedamstva ŭ subotu, 28 lutaha.
«Na siońniašni momant śledstva razhladaje niekalki viersij: zabojstva jak pravakacyja dla destabilizacyi palityčnaj situacyi ŭ krainie, i fihura Niamcova mahła stać svojeasablivaj sakralnaj achviaraj dla tych, chto nie hrebuje nijakimi mietadami dla dasiahnieńnia svaich palityčnych metaŭ. Staranna adpracoŭvajecca taksama i viersija, źviazanaja ź isłamska-ekstremisckim śledam», — havorycca ŭ paviedamleńni SK.
Jak udakładniajecca ŭ pres-relizie, u śledstva jość źviestki pra toje, što Niamcoŭ atrymlivaŭ pahrozy ŭ suviazi ź jaho pazicyjaj adnosna rasstrełu žurnalistaŭ satyryčnaha vydańnia Charlie Ebdo ŭ Paryžy, udakładniajecca ŭ pres-relizie.
Taksama praviarajecca viersija, źviazanaja z padziejami va Ukrainie: «Nie sakret, što siarod abiedźviuch kanfliktujučych bakoŭ jość vielmi radykalnyja piersanažy, što nie padparadkoŭvajucca nijakim uładam».
Narešcie, śledčyja nie vyklučajuć, što zabojstva moža być źviazana z kamiercyjnaj dziejnaściu Niamcova ci asabistaj niepryjaznaściu da jaho.
U chodzie rasśledavańnia vyśvietliłasia, što, akramia dziaŭčyny, ź jakoj hulaŭ Niamcoŭ u momant zabojstva, jość i inšyja vidavočcy złačynstva. Jany dajuć pakazańni.
Taksama śpiecyjalisty vyvučajuć telefonnyja złučeńni ŭ pryviazcy da miesca i času ździajśnieńnia zabojstva. Vyvučajucca kamiery videanazirańnia na maršrucie ruchu palityka.
Stralba viałasia mierkavana ź pistaleta Makarava.
Na miescy zdareńnia znajšli šeść 9-milimietrovych hilzaŭ. Pry hetym mahazin byŭ sfarmavany z hilzaŭ roznaha vytvorcy, adznačaje śledstva.
U SK niama sumnieńniaŭ u tym, što złačynstva było staranna spłanavanaje. Pa dadzienych śledstva, Niamcoŭ nakiroŭvaŭsia sa spadarožnicaj u svaju kvateru, jakaja znachodzicca niedaloka ad miesca zdareńnia. Vidavočna, arhanizatary i vykanaŭcy złačynstva viedali pra jaho maršrut.
Ciapier čytajuć
U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia2
Kamientary