Abo Kastusioŭ, abo Anisim — «Narodny refierendum» abiraje pamiž kandydatami ŭ prezidenty
Kampanija «Narodny refierendum» maje namier vyłučyć na prezidenckija vybary sumiesnaha kandydata, paviedamiŭ 7 sakavika na sojmie Partyi BNF u Minsku jaje staršynia Alaksiej Janukievič.
U kampaniju «Narodny refierendum» uvachodziać Partyja BNF, kampanija «Havary praŭdu», ruch «Za Svabodu» i Biełaruskaja sacyjał-demakratyčnaja partyja (Hramada).
Janukievič paviedamiŭ, što płanavałasia nazvać sumiesnaha kandydata ŭ prezidenty ad kampanii ŭ siaredzinie sakavika. Adnak heta pieraniesiena, chutčej za ŭsio, na siaredzinu krasavika. Pavodle jaho słoŭ, jość papiaredni śpis, ź jakoha budzie vybrany sumiesny kandydat.
Ź vialikaj dolaj vierahodnaści hetym sumiesnym kandydatam nie budzie nivodny z kiraŭnikoŭ struktur, jakija ŭvachodziać u «Narodny refierendum», padkreśliŭ Janukievič. U śpisie dva pradstaŭniki Partyi BNF, u tym liku namieśnik staršyni Ryhor Kastusioŭ, a taksama pieršy namieśnik staršyni hramadskaha abjadnańnia «Tavarystva biełaruskaj movy imia Franciška Skaryny» Alena Anisim.
Janukievič paviedamiŭ, što ŭ papiarednim śpisie lidar kampanii «Havary praŭdu» Uładzimir Niaklajeŭ. Adnak, pavodle słoŭ staršyni Partyi BNF, Niaklajeŭ, vierahodna, nie budzie ŭdzielničać u prezidenckich vybarach u jakaści kandydata pavodle svajoj inicyjatyvy.
Lidar ruchu «Za Svabodu» Alaksandr Milinkievič nie płanuje vystaŭlać svaju kandydaturu, bo zrabiŭ vybar na karyść vyłučeńnia siabie rektaram Jeŭrapiejskaha humanitarnaha ŭniviersiteta, skazaŭ Janukievič.
Kamientary