Rasiejski ambasadar u Danii Michaił Vanin zajaviŭ, što dałučeńnie Kapienhahiena da sistemy supraćrakietnaj abarony (SRA) NATA budzie ŭspryniata Maskvoj jak pahroza. U Kapienhahienie zajavu dypłamata nazvali nieprymalnym.
«Nie dumaju, što datčanie całkam daśviedčanyja ab nastupstvach dałučeńnia da amierykanskaj sistemy SRA. Kali heta zdarycca, dackija vajskovyja karabli stanuć mišeńniu dla rasijskich jadziernych rakiet», - zajaviŭ Vanin haziecie Jyllands-Posten 20 sakavika.
Jak nahadvaje DW, u žniŭni 2014 Danija paviedamiła ab płanach abstalavać adzin z svaich vajskovych frehataŭ radaram, kab stać častkaj sistemy SRA, jakaja daŭno źjaŭlajecca jabłykam razładu pamiž Rasijaj i Paŭnočnaatłantyčnym aljansam, kudy ŭvachodzić u tym liku i Danija. Maskva ličyć sistemu SRA pahrozaj dla stratehičnaha bałansu ŭ Jeŭropie, u toj čas jak NATA zajaŭlaje, što sistema zabiaśpiečyć abaronu ad tak zvanych «dziaržaŭ-izhojaŭ». «Danija moža stać častkaj hetaj pahrozy. U hetym vypadku adnosiny z Rasiejaj buduć uskładnienyja», - miarkuje Vanin.
Ministr zamiežnych spraŭ Danii Marcin Lidehor ŭ kamientary ŭ adkaz nazvaŭ vykazvańni Vanina «nieprymalnymi». «Maskva vielmi dobra viedaje, što supraćrakietny ščyt NATA nakiravany na abaronu, a nie suprać Rasiei. Pa mnohich punktach my nie zhodnyja z rasiejskim bokam, ale važna nie pavyšać ton u dyskusijach», - dadaŭ Lidehor.
Sakratar abarony Łund Poŭlsen zaniepakojeny adnosinami z Rasiejaj: «Heta zajavu treba razhladać značna bolš surjozna. Heta pahrozy ŭ adnosinach da Danii».
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii15
Kamientary