Serca dobra pryžyłosia, pacyjent adčuvaje siabie narmalna.
Brytanskija miedyki kliniki Papvart hrafstva Kembrydžšyr praviali ŭnikalnuju apieracyju pa pierasadcy serca, raspaviadaje The Guardian.
Zvyčajna ludziam pierasadžvajuć sercy niabožčykaŭ, jakija jašče bjucca. Unikalnaść apieracyi ŭ Papvarcie u tym, što ŭ donara serca nie tolki pamier mozh, ale i spynilisia lohkija dy samo serca.
Serca niabožčyka było paśpiachova reanimavanaje i «pierazapuščanaje». Pacyjent, jaki atrymaŭ novaje serca, 60-hadovy Chusejn Ułukan, pačuvaje siabie dobra, chutka idzie na papraŭku.
Dokar Styvien Łardž, jaki kiravaŭ apieracyjaj, spadziajecca, što jaho technika pavialičyć kolkaść donaraŭ serca na čverć i dazvolić zabiaśpiečyć donarskimi sercami ŭsich, chto maje ŭ ich patrebu.
***
Tolki ŭ Vialikabrytanii 900 tysiač čałaviek žyvuć z sardečnaj niedastatkovaściu. Bolš za 250 čałaviek čakajuć pierasadki serca. Kala 13% z pacyjentaŭ pamirajuć, nie dačakaŭšysia apieracyi. Jašče dla 30% pacyjentaŭ apieracyja stanovicca niebiaśpiečnaj praz paharšeńnie zdaroŭja za čas čakańnia.
Kamientary