«Lisički na supčyk». Biełarusy i ŭ śniežni praciahvajuć źbirać hryby
U Biełarusi ŭsio nijak nie skončycca hrybny siezon. Užo šmat dzie lažyć śnieh, ale heta nie spyniaje biełarusaŭ ad pachodu ŭ les. Što cikava, u niekatorych miescach jość nie tolki poźnija hryby zialonki, ale i, zdavałasia b, letnija lisički. Žurnalistka vydańnia Tochka.by pahladzieła, dzie jašče ŭ Biełarusi rastuć hryby.
Biełaruska, hulajučy pa Biełaviežskaj puščy, natknułasia na letnija hryby i vielmi ŭzradavałasia. «Hladzicie, žyvaja lisička! Duchmianaja, pachnie. Ja navat ciapier adčuvaju», — dzielicca tyktokierka. Na jaje dumku, u śniežni «možna źbirać lisički na supčyk».
Karystalniki aktyŭna adznačali ŭ kamientarach, što pryroda niepradkazalnaja i navat «zvarjacieła». Niekatoryja raskazvali, što taksama jašče chodziać u les.
«Ja siońnia ŭ lesie była, z sabakam hulali, štuk z 10 znajšła, Hrodna», — reziumavała kamientatarka.
Jašče adna biełaruska taksama raskazała ŭ tyktoku, što znoŭ pajšła ŭ les.
«Narešcie prajšoŭ tuman u Biełarusi, i my čarhovy raz pajechali zakryvać siezon», — adznačaje žančyna.
Za hadzinu jana nabrała trochi hryboŭ, u asnoŭnym heta byli zialonki. Taksama biełaruska vykazała zdahadku, što heta nie kaniec i, mahčyma, budzie navahodniaja «hrybałka».
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA108
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary