Jarmošyna: Ja syšła, jak sychodziać mužyki — pakinuła mužam kvatery
Kiraŭnica CVK Biełarusi Lidzija Jarmošyna raspaviała pra svaje razvody ŭ efiry telekanała Biełaruś-1.
«Nichto nie zaŭvažyŭ moj razvod u Minsku, choć ja ŭžo była miedyjapiersonaj. A mužoŭ svaich ja kvaterami zabiaśpiečyła. Ja syšła, jak sychodziać mužyki. Pieršy raz ja kvateru pakinuła mužu ŭ Kalininhradzie. Druhi raz ja razumieła, što čałavieku treba niedzie žyć, tamu ja pradała kvateru i kupiła jamu adnapakajovuju», — raspaviała kiraŭnica CVK u efiry prahramy «Vychad jość» na telekanale Biełaruś-1.
Z nahody svaich razvodaŭ Lidzija Jarmošyna skazała, što situacyja stanaviłasia takoj, što skazać «nie» było palohkaj.
«Ciapier modna ładzić viečaryny z nahody razvodaŭ. Ja była pieršaja. Ja zładziła pieršuju viečarynu ŭ 1996 hodzie ŭ Kalininhradzie. I navat muž byŭ.
U kvateru pryjšli maje adnakurśniki pravodzić mianie. Nu kudy ž muža padzieć? Byŭ nakryty stoł, i ja ŭstała i skazała: ŭračystaja nahoda — razvod siamji Jarmošynych. Adna ź siabrovak skazała: Nu, ty i svołač».
«Myćcio padłoh zajmaje asnoŭny moj volny čas. Ja myju padłohi ŭ troch damach. Rablu pryborku ŭ mamy, u syna-chałaściaka i ŭ siabie, na tym słužbovym leciščy, dzie ja žyvu.
Hulaju ŭ luboje nadvorje — i ŭviečary, i ranicaj, try razy na tydzień chadžu ŭ basiejn, čytaju, chadžu ŭ teatr», — raspaviała Lidzija Jarmošyna.
Vykazałasia Lidzija Michajłaŭna i pra žančyn, jakija «kačajuć pravy»:
«Žonki vialikich kiraŭnikoŭ časam pačynajuć kačać pravy: maŭlaŭ, čamu ja pavinna jamu kašuli ŭ kamandziroŭku prasavać?
Miłaja, ty žyvieš dziakujučy jamu. Jakoje raŭnapraŭje? Chočaš raŭnapraŭja — źbirajsia i sychodź ad jaho».
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva69
Kamientary