30 sakavika Alaksandr Łukašenka padpisaŭ ukaz № 143, jakim praduhledžany praciah da 1 studzienia 2016 h. pierachodnaha pieryjadu, ciaham jakoha indyvidualnym pradprymalnikam dadziena prava realizavać reštki tavaraŭ, uviezienych bieź jakich by ni było paćviardžalnych dakumientaŭ.
Adpaviednyja źmieny i dapaŭnieńni ŭniesieny va ŭkaz ad 16 maja 2014 hoda № 222 «Ab rehulavańni pradprymalnickaj dziejnaści i realizacyi tavaraŭ indyvidualnymi pradprymalnikami i inšymi fizičnymi asobami».
Pry realizacyi tavaraŭ biez paćviardžajučych dakumientaŭ ŭstanoŭlena prymianieńnie pavyšalnaha kaeficyjenta 2 pry vyličeńni adzinaha padatku, a taksama spahnańnie padatku na dadadzienuju vartaść u fiksavanaj sumie ź jaho pavieličeńniem u čatyry etapy za košt prymianieńnia nastupnych pavyšalnych kaeficyjentaŭ:
2 — za pieryjad z 1 pa 31 sakavika 2015;
2,5 — za pieryjad z 1 krasavika pa 30 červienia 2015 h.;
3 — za pieryjad z 1 lipienia pa 30 vieraśnia 2015 hoda;
4 — za pieryjad z 1 kastryčnika pa 31 śniežnia 2015 hoda.
U metach stymulavańnia indyvidualnych pradprymalnikaŭ nabyvać pradukcyju ŭ lehalnych vytvorcaŭ i pastaŭščykoŭ dla tych ź ich, jakija buduć mieć dakumienty na ŭsie tavary, dazvalajecca pierajści na sproščanuju sistemu padatkaabkładańnia albo z 1 krasavika, albo z 1 lipienia, albo z 1 kastryčnika 2015 hoda.
Akramia taho, va ŭkazie vyrazna rehłamientujecca realizacyja tavaraŭ fizičnymi asobami Biełarusi i zamiežnymi hramadzianami.
U metach spynieńnia niearhanizavanaj realizacyi tavaraŭ fizičnymi asobami ŭvodzicca zabarona na prodaž tavaraŭ na vulicach, stadyjonach, u skvierach, parkach, hramadskim transparcie ci ŭ inšych hramadskich miescach, za vyklučeńniem realizacyi tavaraŭ u miescach, ustanoŭlenych miascovymi vykanaŭčymi i rasparadčymi orhanami.
Ciapier čytajuć
Syn Natalli Piatkievič z prydychańniem raskazaŭ, što znajšoŭ rabotu ŭ picierskaj firmie12
Kamientary