Bazavaja arendnaja vieličynia ŭ Biełarusi z 1 krasavika 2015 hoda składzie Br120 tys. Heta praduhledžana pastanovaj Savieta Ministraŭ ad 26 sakavika 2015 hoda numar 231 «Ab uniasieńni źmianieńnia ŭ pastanovu Savieta Ministraŭ Respubliki Biełaruś ad 27 lutaha 2015 h. numar 145», paviedamili ŭ pres-słužbie biełaruskaha ŭrada.
Pamier bazavaj arendnaj staŭki štohod ustanaŭlivajecca Savietam Ministraŭ z ulikam źmianieńnia indeksa spažyvieckich cen za minuły hod adnosna papiaredniaha i prymianiajecca z 1 krasavika hoda, u jakim jon ustanoŭleny.
U minułym hodzie bazavaja arendnaja vieličynia pavysiłasia na 18,6 pracenta da Br102 tys.
Bazavaja arendnaja vieličynia prymianiajecca ŭ raźlikach arendnaj płaty pry arendzie płoščaŭ, jakija znachodziacca ŭ dziaržaŭnaj ułasnaści. Heta datyčycca ŭłasnaści haspadarčych tavarystvaŭ, u statutnych fondach jakich bolš za 50 pracentaŭ akcyj (dolej) znachodzicca va ŭłasnaści Biełarusi i (abo) jaje administracyjna-terytaryjalnych adzinak, a taksama kapitalnych budynin (budynkaŭ, zbudavańniaŭ), izalavanych pamiaškańniaŭ, mašyna-miesc, ich častak, uklučajučy kapitalnyja budyniny (budynki, zbudavańni), izalavanyja pamiaškańni, ich častki na rynkach i ŭ handlovych centrach.
Kamientary