Zasnavalnik PUP «Jeŭrabank» — TAA «Handlovy dom «Ždanovičy». Statutny fond sfarmiravany ŭ sumie ekvivaletnaj bolš jak 5 młn. jeŭra, što adpaviadaje narmatyŭnamu minimalnamu pamieru dla banka, jaki stvarajecca.
Novamu banku vydadzieny śpiecyjalny dazvoł (licenzija) na ažyćciaŭleńnie bankaŭskaj dziejnaści. U adpaviednaści z dakumientam jon moža pravodzić bankaŭskija apieracyi pa pryciahnieńniu hrašovych srodkaŭ jurydyčnych asob va ŭkłady (depazity), raźmiaščać hetyja srodki ad svajho imia i za svoj košt na ŭmovach zvarotnaści, płatnaści i terminovaści, adkryvać i vieści bankaŭskija rachunki jurydyčnych asob.
Akramia taho banku dazvolena ažyćciaŭlać raźlikovaje i kasavaje absłuhoŭvańnie fizičnych i jurydyčnych asob, u tym liku bankaŭ‑karespandentaŭ, pravodzić valutna‑abmiennyja apieracyi, vypuskać u abaračeńnie bankaŭskija płastykavyja kartki, vydavać bankaŭskija harantyi, a taksama vypuskać kaštoŭnyja papiery, jakija paćviardžajuć pryciahnieńnie hrašovych srodkaŭ va ŭkłady (depazity) i raźmiaščeńnie ich na rachunki.
Bank maje prava pravodzić finansavańnie pad ustupku hrašovaha patrabavańnia (faktorynh), pieravozić najaŭnyja hrašovyja srodki, płaciežnyja instrukcyi, kaštoŭnyja mietały i kaštoŭnyja kamiani i inšyja kaštoŭnaści pamiž bankami i niabankaŭskimi kredytna‑finansavymi arhanizacyjami, ich adasoblenymi i strukturnymi padraździaleńniami, i dastaŭlać takija kaštoŭnaści klijentam bankaŭ i niabankaŭskich kredytna‑finansavych arhanizacyj.
Ciapier čytajuć
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary