Słynny biełaruski hurt mieŭ vialiki pośpiech na prafesijnaj placoŭcy ŭ Maskvie. Z. Sasnoŭski: «Takoje adčuvańnie, što vystupali ŭ Miensku - stolki nacyjanalnych ściahoŭ byli ŭ zali i stolki siadzieła biełaruskamoŭnych».
Pieršy vystup biełaruskaha hurta ŭ Maskvie na prafesijnaj placoŭcy byŭ adznačany anšlaham. Usie kvitki byli pradadzieny daŭno zahadzia, a siarod prysutnych było vielmi šmat znanych pradstaŭnikoŭ biełaruskaje dyjaspary. Darečy, zaprašeńniem haściej zajmałasia Zhurtavańnie biełarusoŭ śvietu «Baćkaŭščyna», z dapamohaj biełaruskich inicyjatyvaŭ Maskvy.
Źmicier Sasnoŭski kaža:
«Pahladzieŭšy kolki sabrałosia prychilnikaŭ, vyrašyli kancert vieści pa‑biełarusku. I chacia my vystupajem pieršy raz u Maskvie, z‑za taho jak pryniała nas publika, jak prasili vykanać stolki našych pieśniaŭ, było adčuvańnie, što my nie ŭ Maskvie dajem kancert, a ŭ Miensku. Na kancercie ŭ zale łunali bieł‑čyrvona‑biełyja ściahi». Viadomyja pieśni «Olsaŭ» padchoplivalisia i śpiavalisia załaj. Hurt taksama vykanaŭ šmat novych kampazycyj, jakija vitalisia publikaj.
Miž inšym, pa vynikach kancertu było padpisana siem kantraktaŭ na vydańnie dyskaŭ dla rasiejskaha słuchača, a taksama zaplanavany nastupny kancert, jaki adbudziecca 16 sakavika. Miesca kancertu pakul jašče nie viadoma, ale ŭ planach muzykaŭ sabrać jašče bolšuju zalu.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady6
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary