Prezidyum Biełaruskaj sacyjał-demakratyčnaj partyi (Hramada) vystupiŭ z zajavaj pad zahałoŭkam «Nie dapuścić pravakacyi».
«Biełaruskaja sacyjał-demakratyčnaja partyja (Hramada) źviartaje ŭvahu hramadskaści i ŭładaŭ na zapłanavany motaprabieh rasijskaha motakłuba «Načnyja voŭki» pa terytoryi Biełarusi i inšych jeŭrapiejskich dziaržaŭ, jaki musić adbycca napiaredadni 70-j hadaviny pieramohi nad nacysckaj Hiermanijaj u Druhoj suśvietnaj vajnie.
Anansavany jak akcyja ŭ honar pieramohi nad nacysckaj Hiermanijaj, motaprabieh «Načnych vaŭkoŭ» aceńvajecca ŭ Polščy i inšych dziaržavach jak pravakacyja. Rasijskija bajkiery, jakija brali ŭdzieł u aneksii ŭkrainskaha Kryma, svajoj akcyjaj chočuć nie tak ušanavać pamiać tych, chto vajavaŭ suprać hitleraŭskich zachopnikaŭ, jak pasłužyć idei «russkoho mira». Šmat chto z hetych bajkieraŭ źjaŭlajecca prychilnikam adnaŭleńnia rasijskaj manarchii, što samo pa sabie niasie pahrozu Biełarusi jak niezaležnaj dziaržavie.
Motaprabieh «Načnych vaŭkoŭ» vyklikaje zusim zrazumiełuju tryvohu hramadzian, jakija adznaznačna vykazvajucca za suvierenitet i niezaležnaść Biełarusi. Nie vyklučana, što hetaja akcyja moža skončycca na biełaruska-polskaj miažy niežadanym dla našaj krainy skandałam.
Biełaruskaja sacyjał-demakratyčnaja partyja (Hramada) zaklikaje ŭłady pryniać usie zaležnyja ad jaje miery, kab nie dapuścić motaprabiehu «Načnych vaŭkoŭ» na terytoryi našaj krainy, kab paźbiehnuć uciahvańnia Biełarusi i jaje adpaviednych słužbaŭ u mižnarodny skandał».
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary