Budaŭnictva Biełaruskaj atamnaj elektrastancyi ažyćciaŭlajecca pad samym strohim kantrolem. Ab hetym zajaviŭ siońnia namieśnik premjer-ministra Biełarusi Uładzimir Siamaška na cyrymonii adkryćcia VII Mižnarodnaj vystaŭki «Atamekspa-Biełaruś».
«Budaŭnictva Biełaruskaj atamnaj elektrastancyi ažyćciaŭlajecca pad strohim kantrolem z punktu hledžańnia jakaści, nadziejnaści. Ja ŭdziačny i rasijskim kaleham, i našym budaŭničym trestam, jakija pracujuć, za toje, što my idziom dakładna pa hrafiku», - adznačyŭ Uładzimir Siamaška.
Namieśnik premjer-ministra adznačyŭ, što adnosiny Biełarusi i Rasii apošnija hady pastajanna ŭmacoŭvajucca, usie intehracyjnyja pačynańni padmacoŭvajucca kankretnymi prajektami. «U hetym sensie prajekt budaŭnictva Biełaruskaj atamnaj elektrastancyi - pakazalny, hrandyjozny. Takoha jašče Biełaruś nie viedała. $8 młrd budzie kaštavać sama stancyja. Plus infrastruktura - z pasiołka Astraviec treba zrabić małady sučasny horad», - kanstatavaŭ Uładzimir Siamaška. Jon nahadaŭ, što ŭvod u ekspłuatacyju pieršaha enierhabłoka zapłanavany na 2018 hod, druhoha — nie paźniej za 2020 hod.
Uładzimir Siamaška padkreśliŭ, što takija mierapryjemstvy, jak «Atamekspa-Biełaruś», dajuć mahčymaść śpiecyjalistam abmierkavać dasiahnutyja pośpiechi i pierśpiektyvy raźvićcia haliny. Jon pažadaŭ udzielnikam vystaŭki plonnaj raboty, kab usie zapłanavanyja mierapryjemstvy byli realizavany.
Siońnia ŭ Minsku adkryvajecca VII Mižnarodnaja śpiecyjalizavanaja vystaŭka «Atamekspa-Biełaruś 2015», jakaja pradoŭžycca pa 24 krasavika. Mierapryjemstva pravodzicca pa inicyjatyvie Ministerstva enierhietyki Biełarusi pry padtrymcy dziaržkarparacyi «Rasatam». Asnoŭnaj metaj forumu źjaŭlajecca demanstracyja najnoŭšych technałohij prajektavańnia, budaŭnictva i ekspłuatacyi AES, zabieśpiačeńnie efiektyŭnych pastavak abstalavańnia dla budaŭnictva AES, raźvićcio nieenierhietyčnaha prymianieńnia jadziernaj enierhii.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary