Siaredniaja zarpłata biełaruskich IT-šnikaŭ za miesiac upała na čverć
Było pa 2100, stała pa 1650 dalaraŭ.
Nacyjanalny statystyčny kamitet vydaŭ čarhovuju štomiesiačnuju spravazdaču ab siarednich zarobkach u Biełarusi.
Zarpłata supracoŭnikaŭ, čyja dziejnaść źviazanaja z vyličalnaj technikaj, za sakavik skłała 23,7 młn biełaruskich rubloŭ, albo 1650 dalaraŭ. Za luty było 2100 dalaraŭ.
Siarednija zarobki IT-šnikaŭ usio roŭna zastalisia dalokimi ad bližejšych susiedziaŭ pa rejtynhu — supracoŭniki pavietranaha transpartu za sakavik majuć u siarednim 13,156 młn.
U pazaminułym miesiacy, studzieni, siaredniaja zarpłata IT-šnikaŭ składała kala 23 młn. Da 31,4 młn jana padskočyła, jak kažuć pradstaŭniki haliny, za košt vypłaty hadavych bonusaŭ.
Siaredniaja zarpłata pa ŭsioj Biełarusi skłała ŭ sakaviku 6,48 młn rubloŭ albo 451,5 dalara. Heta na 5,8% bolš za luty.
Najmienšaja siaredniaja zarpłata, 3,9 młn albo 273 dalary, u śfiery pradstaŭleńnia sacyjalnych pasłuh. Mienš za 5 młn ci 350 dalaraŭ majuć u siarednim u śfierach adukacyi, sielskaj haspadarki, hatelaŭ i restaranaŭ.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary