Staršynia Centralnaj vybarčaj kamisii Lidzija Jarmošyna pryniała ŭdzieł u efiry prahramy «Bujnym płanam» na telekanale «Biełaruś-1».
«Kali adbuducca nastupnyja prezidenckija vybary?» — spytaŭsia u jaje viadučy.
«Kančatkovaja data — taja, jakuju nazavie parłamient. Ale prynamsi jana ŭžo ŭzhodnienaja z usim kiraŭnictvam krainy, u tym liku i z kiraŭnictvam parłamienta, i jana nie vyklikaje adryńvańnia. Ź joj zhodnyja ŭsie», — adkazała Jarmošyna.
Inšaje pytańnie datyčyłasia małaviadomaści partyj. «Pa sutnaści, biełarusy viedajuć tolki dźvie partyi — kamunistyčnuju i Biełaruski narodny front. Tamu što heta pieršaja apazicyjnaja partyja, jakaja ŭźnikła padčas pierabudovy», — pryznała staršynia CVK.
«Ci viedajuć biełarusy, što takoje svaboda i ci ŭmiejuć jany joj karystacca?» — dali efir dla pytańnia Jarasłavu Ramančuku, byłomu kandydatu ŭ prezidenty.
«Vielmi tonka… Ja absalutna ŭpeŭnienaja, što viedajuć. I ja dumaju, jany ŭsie žyvuć u svabodnaj dziaržavie i hramadstvie. Bolš za toje, nam nie chapaje dyscypliny, — adkazała Jarmošyna. — Ja, darečy, rada bačyć Jarasłava Ramančuka, ale heta pytańnie z padvocham. U 2010 hodzie Ramančuk z sutavaryšami vielmi niedaskanała skarystaŭsia tymi svabodami, jakija dali jamu dziaržava i zakanadaŭstva, i arhanizavaŭ niesankcyjanavanie šeście». Paśla hetaha staršynia CVK pačała razvažać pra «sprobu zachopu ŭłady» padčas Płoščy-2010.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary