Meryja Maskvy adkazała admovaj na prapanovu deputata Dziarždumy Dźmitryja Hudkova ŭviekaviečyć pamiać apazicyjnaha palityka Barysa Niamcova, zabitaha 27 lutaha na Vialikim Maskvareckim moście.
Pa słovach vice-mera Maskvy pa sacyjalnych pytańniach Leanida Piačatnikava, u rašeńni staličnaj meryi «niama nijakaj palityčnaj padaploki». «Jano pryniata vyklučna zychodziačy z patrabavańniaŭ maskoŭskaha zakanadaŭstva», — skazaŭ Piačatnikaŭ.
U adkazie staličnych uładaŭ deputatu havorycca pra toje, što miemaryjalnyja doški pa miescy žycharstva ŭstaloŭvajucca nie raniej, čym praź dziesiać hadoŭ, a pa miescy pracy — nie raniej čym praz dva hady paśla śmierci čałavieka, u tym vypadku, kali na hety kont nie pryniata śpiecyjalnych ukazaŭ prezidenta ci mera Maskvy.
Deputat prapanoŭvaŭ roznyja varyjanty dziela ŭšanavańnia pamiaci Niamcova — pierajmienavać most, dzie byŭ zabity palityk, ustalavać miemaryjalnuju došku abo nazvać vulicu ŭ honar Niamcova.
Na dumku Hudkova, u vypadku ź Niamcovym na «časavyja abmiežavańni» možna było b nie źviartać uvahi, uličvajučy, što zabojstva było «fors-mažoram, jaki vychodzić za ramki zakona». Deputat ličyć, što ŭłady mahli b inicyjavać źmianieńnie haradskoha zakanadaŭstva, kab jano dazvoliła ŭšanavać pamiać palityka biez pramarudžvańnia.
Rana ci pozna, upeŭnieny deputat, miemaryjalnaja šylda na miescy hibieli viadomaha palityka źjavicca. «Heta adbudziecca, moža być, praź piać hadoŭ abo paźniej, a pakul ludzi ŭsio roŭna buduć nieści na most kvietki, i nie vyklučaju ŭźniknieńnia ŭ suviazi z hetym kanfliktnych situacyj», — skazaŭ Hudkoŭ.
Ciapier čytajuć
Babaryka: Kali b my pieramahli — vajny va Ukrainie nie było b5
Babaryka: Kali b my pieramahli — vajny va Ukrainie nie było b
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary