«Biełtelekam» abviaściŭ tendar na abstalavańnie dla błakiroŭki sajtaŭ
Z vosieni varta čakać bolš efiektyŭnych błakirovak?

Nacyjanalny pravajdar «Biełtelekam» abviaściŭ na sajcie Nacyjanalnaha centru markietynhu i kanjunktury cen tendar na zakupku «aparatna-prahramnaha kompleksu, što ažyćciaŭlaje zbor i zachoŭvańnie źviestak pra naviedvańnie karystalnikam internet-resursaŭ, błakavańnie Internet-resursaŭ, zaŭvažyŭ Electroname.
Pažadanaja cana abstalavańnia i charaktar jaho funkcyjanavańnia nie nazyvajucca. Abstalavańnie maje być pastaŭlenaje da 16 vieraśnia 2015 hoda.
Sakratar konkursnaj kamisii patłumačyŭ «Našaj Nivie», što nie maje prava kamientavać presie chod zakupak i paraiŭ źviarnucca ŭ pres-słužbu. Pres-słužba «Biełtelekam» na momant publikacyi nie adkazvała.
Abstalavańnie moža zakupacca dla pryviadzieńnie błakirovak u adpaviednaść z pastanovaj AAC ad 19 lutaha, što ŭdakładniła paradak błakirovak intrenet-resursaŭ u Biełarusi dy dała prava błakavać nie tolki sajty, ale i ŭsie mahčymyja srodki dostupu da ich. Biełaruskija śpiecyjalisty sumniavalisia ŭ metazhodnaści i techničnaj mahčymaści apošniaha.
Kamientary