Łukašenka: Apazicyjnyja partyi lepš nie słuchać, zanadta ŭžo jany dalokija ad naroda
Alaksandr Łukašenka, vystupajučy 22 maja ŭ Minsku na VII źjeździe Fiederacyi prafsajuzaŭ Biełarusi (FPB), u čarhovy raz paraiŭ rabotnikam nie słuchać apazicyjnych palitykaŭ.
Jon zajaviŭ, što źjezd FPB «ihraje važnuju rolu ŭ žyćci dziaržavy», pakolki fiederacyja źjaŭlajecca «samym masavym i aŭtarytetnym hramadskim abjadnańniem u krainie», jakoje «abjadnoŭvaje bolš za 90% ekanamična aktyŭnaha nasielnictva».
«Prafsajuzy zastajucca adnoj z apor našaj hramadzianskaj supolnaści. Nas kaliści paprakali ŭ tym, što ŭ nas niama hramadzianskaj supolnaści. Hetyja našy partyi, ci, jak ich u narodzie zavuć, partyjki, hałoŭnym čynam apazicyjnaha tołku, piataja kałona», — skazaŭ Łukašenka.
Pavodle jaho mierkavańnia, u Biełarusi naroŭni z prafsajuzami hramadzianskuju supolnaść składajuć Biełaruski respublikanski sajuz moładzi (BRSM), a taksama vieteranskaja i žanočaja arhanizacyi. «Jany što, pa kolkaści mienšyja, čym našy partyi? Dy nichto navat nie viedaje, jakaja ŭ ich [apazicyjnych partyj] kolkaść», — adznačyŭ Łukašenka.
«Apazicyjnyja partyi lepš nie słuchać, — paraiŭ jon. — Nie tamu, što Łukašenka ich dušyć, prosta zanadta jany dalokija ad naroda. Vy ž źjaŭlajeciesia asnoŭnaj aporaj dziaržavy. Ja tolki što skazaŭ staršyni [FPB], što vy — partyja našych pracoŭnych. Vy źjaŭlajeciesia asnoŭnym pravadnikom dziaržaŭnych idej. Vam pavinna być da ŭsiaho sprava».
«Mienavita vy pavinny ŭziać na siabie vielizarnuju pracu, jakuju treba vykanać u budučyni», — padkreśliŭ kiraŭnik dziaržavy.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»21
Kamientary