Inviestar-miljarder Džordž Soras miarkuje, što isnuje vierahodnaść novaj suśvietnaj vajny. Jaje pačatak biznesmen źviazaŭ z mahčymym pravałam ekanamičnych reformaŭ u Kitai i kanfliktam z azijackimi sajuźnikami ZŠA.
Pra heta Džordž Soras zajaviŭ na Bretan-Vudskaj kanfierencyi ŭ Suśvietnym banku, pieradaje RBK sa spasyłkaj na vydańnie MarketWatch.
Vierahodnaść hłabalnaha ŭzbrojenaha kanfliktu finansist źviazaŭ sa stanam kitajskaj ekanomiki. Na dumku Sorasa, kali Kitaju nie ŭdasca pieraaryjentavać ekanomiku na zadavalnieńnie ŭnutranaha popytu zamiest ekspartu, jość «vierahodnaść», što jaho kiraŭniki pačnuć źniešni kanflikt, kab praduchilić raspad krainy i ŭtrymacca va ŭładzie.
«Kali budzie kanflikt pamiž Kitajem i vajennymi sajuźnikami Złučanych Štataŭ, naprykład Japonijaj, to nie budzie pierabolšańniem skazać, što my apyniemsia na parozie treciaj suśvietnaj vajny», — zajaviŭ Soras.
Kab paźbiehnuć padobnaha scenara Soras ličyć nieabchodnym, kab ZŠA pajšli na «bujnyja sastupki» i dazvolili kitajskaj valucie stać častkaj košyka valut MVF, choć heta i pieratvoryć juań u patencyjnaha supiernika dalara ŭ jakaści suśvietnaj reziervovaj valuty.
U abmien, adznačaje Soras, Kitaju daviadziecca pajści na adkaz sastupki, u tym liku pryznać viaršenstva zakona ŭ ekanamičnych adnosinach. Inviestar pryznaje, što padobnych pahadnieńniaŭ budzie dasiahnuć nialohka, ale alternatyva im budzie zanadta niepryvabnaj.
«Biez hetaha isnuje realnaja niebiaśpieka, što Kitaj zaklučyć z Rasijaj palityčny i vajenny sajuz, i tady pahroza treciaj suśvietnaj vajny stanie realnaj, tak što pasprabavać varta», - skazaŭ Soras pra pošuki kampramisu pamiž ZŠA i Kitajem.
Soras nabyŭ viadomaść jak valutny śpiekulant. U 1992 hodzie jaho biržavaja hulnia suprać anhlijskaha funta prymusiła Vialikabrytaniju vyjści ź jeŭrapiejskaj valutnaj sistemy. Pa dadzienych Bloomberg Billionaire Index na 21 maja, Džordž Soras z majomaść $28,5 młrd zajmaje 24-je miesca ŭ śviecie siarod miljarderaŭ.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary