Asobnyja katehoryi miedykaŭ atrymajuć dapłaty da akładu, paviedamili va ŭpraŭleńni płanavańnia i biudžetnaha finansavańnia kamiteta pa achovie zdaroŭja Minharvykankama. Rašeńnie było pryniataje 21 maja na 11-j siesii Minskaha haradskoha Savieta deputataŭ, jakija ŭchvalili źmianieńni ŭ rašeńnie Minharsavieta ad 23 śniežnia 2011 hoda № 190 «Ab mierach pa stymulavańni pracy rabotnikaŭ arhanizacyj achovy zdaroŭja horada Minska».
Zarpłaty pavialičacca dla miedykaŭ asobnych ustanoŭ achovy zdaroŭja, dzie stvoranyja adździaleńni, jakich raniej nie było. Dla ŭsich astatnich rabotnikaŭ achovy zdaroŭja Minska ŭžo isnujuć tak zvanyja staličnyja nadbaŭki da zarpłat.
Zarpłaty pavialičać supracoŭnikam Minskaha haradskoha kliničnaha ankałahičnaha dyspansiera, balnicy palijatyŭnaha dohladu «Chośpis», adździaleńnia palijatyŭnaj miedycynskaj dapamohi 11-j haradskoj kliničnaj balnicy, adździaleńnia palijatyŭnaj dapamohi Doma dziciaci № 1 dla dziaciej z arhaničnym paražeńniem centralnaj niervovaj sistemy i psichiki, a taksama miedykam adździaleńnia kardyjachirurhii 9-j kliničnaj balnicy.
Pamiery štomiesiačnych nadbavak dla daktaroŭ-śpiecyjalistaŭ (akramia hałoŭnaha doktarai jaho namieśnikaŭ) składuć 780 tys. rubloŭ, dla miedsiaścior, łabarantaŭ, miedrehistrataraŭ, instruktaraŭ pa lačebnaj fizkultury, psichołahaŭ i inšych – 650 tys. rubloŭ.
Kardyjachirurham adździaleńnia kardyjachirurhii 9-j kliničnaj balnicy, a taksama renthienendavaskularnym chirurham, aniestezijołaham-reanimatołaham z kvalifikacyjnaj katehoryjaj adździaleńniaŭ kardyjachirurhii pavialičać zarpłatu na 1 młn. 40 tys. rubloŭ, biez katehoryi – na 910 tys. rubloŭ.
Kali kankretna pavialičacca zarpłaty miedykaŭ, dakładna nieviadoma. Va ŭpraŭleńni płanavańnia i biudžetnaha finansavańnia kamiteta pa achovie zdaroŭja patłumačyli, što rašeńnie da aficyjnaha apublikavańnia pavinna prajści ekśpiertyzu ŭ Miniuście. Zvyčajna hety praces zajmaje kala dvuch tydniaŭ.
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary