Finał rehijanalnaha konkursu adbyŭsia ŭ Hrodzienskim abłasnym dramatyčnym teatry. U malaŭničym šou pryniali ŭdzieł 16 pretendentak na karonu, jany prajšli konkursnyja adbory, jakija doŭžylisia z pačatku hoda. Pa słovach pradziusara šou Ihara Lahoviča, na praciahu dvuch miesiacaŭ finalistki aktyŭna rychtavalisia da budučaj padziei, navučalisia navykam defile, asnovam sceničnaj movy i akciorskaha majsterstva, chareahrafii, udzielničali ŭ prymierkach, zdymkach i fotasiesijach.
Uładalnicaj karony karalevy pryhažości «Mis Hrodna – 2015» stała Volha Paźniakovič. Tytuł pieršaj vice-mis žury prysudziła Natalli Rakač, druhoj vice-mis – Palinie Kuźminoj. Akramia taho, tradycyjna była abranaja mis hladackich simpatyj, a taksama ŭładalnicy tytułaŭ, zasnavanych sponsarami i ŭdzielnikami mierapryjemstva.
Dziaŭčaty atrymali pryzy ad sponsaraŭ konkursu, jakimi štohod stanoviacca dziaržaŭnyja i pryvatnyja pradpryjemstvy Hrodna, zamiežnyja partniory. Naprykład, adna ź finalistak zaprošanaja stać viadučaj sieryi telepieradač na abłasnym telebačańni, inšych zaachvocili siertyfikatami na prafiesijnyja fotasiesii i ŭručyli kaštoŭnyja pryzy.
Paśla ŭznaharodžańnia ŭ dramatyčnym teatry adbyŭsia bal u honar pryhažuń, paviedamlaje BIEŁTA.
Volha Paźniakovič - studentka piataha kursa HrDU imia Janki Kupały. Jaje śpiecyjalnaść - turyzm i haścinnaść, dadaje «Viečiernij Hrodno».
Ciapier čytajuć
«Biełaruś ciabie lubić». Repartaž z raźvitańnia ź Mikitam Miełkazioravym10
Kamientary