Ratavalniki ŭ Minsku dastali kaciania z vuličnaj lichtarni
Napiaredadni viečaram u słužbu «101» pastupiła paviedamleńnie: u rajonie doma №40 na vulicy Rakaŭskaj patrabujecca dapamoha katu.
Jak paviedamiŭ pres-sakratar Minskaha haradskoha ŭpraŭleńnia MNS Vital Demboŭski, žyvioła akazałasia zabłakavanaj u słupie mačty vuličnaha aśviatleńnia. Kaciania vyratavali.
«Ja prachodziŭ pobač. Nieabyjakavyja da losu kacianiaci ludzi ŭžo vyklikali MNS. Akazałasia, što źviarok pravaliŭsia ŭ hłybokuju paražninu ŭ aśviatlalnaj mačcie praz maleńkuju adtulinu dla kabielaŭ, — raspaviadaje vidavočca Jaŭhien.
— Bajcy MNS spačatku prybrali tratuarnuju plitku kala słupa. Hučali roznyja varyjanty vyratavańnia. Chtości prapanoŭvaŭ napoŭnić paražninu vadoj, kab kaciania uspłyło — hetaja viersija była adprečanaja, bo mahło zdarycca karotkaje zamykańnie, dyj kaciania było zasłaboje. Inšy varyjant — pašyryć adtulinu, kab spuścić bolš prydatnaje abstalavańnie — taksama paličyli niebiaśpiečnym z-za najaŭnaści vysakavoltnych kabielaŭ. Adzin ź minakoŭ prynios rybałoŭnyja sietki i kručki. Ale zabłytać kaciania ŭ sietku nie atrymlivałasia. U vyniku vyciahnuć jaho adtul zmoh adzin z ratavalnikaŭ — jon padčapiŭ žyviołu za karak. Składana sabie ŭjavić, jak jamu heta ŭdałosia, bo dziejničaŭ ratavalnik ledź nie navobmacak! Kaciania zabrała da siabie dziaŭčyna».
Ciapier čytajuć
Aryštavali byłoha pamočnika Michaiła Miaśnikoviča10
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary