Polšča abaviazałasia ŭvieści jeŭra, padpisaŭšy dahavor ab ustupleńni ŭ Jeŭrasajuz, ale hety dakumient nie vyznačaje kankretnyja terminy ŭviadzieńnia adzinaj jeŭrapiejskaj valuty.
Kolkaść praciŭnikaŭ ŭviadzieńnia ŭ Polščy adzinaj jeŭrapiejskaj valuty ŭzrasła da rekordnaha ŭzroŭniu — 70% hramadzian.
Pra heta śviedčać dadzienyja apytańnia polskaj kampanii CBOS, apublikavanyja tvn24bis.pl.
«Suprać uviadzieńnia jeŭra vystupajuć nie tolki čaściej, ale taksama ŭ bolš kateharyčnaj formie», — adznačajuć aŭtary daśledavańnia.
Bolšaść z bolš za 1 tysiaču apytanych u krasaviku palakaŭ ličać, što ŭładam krainy nie varta śpiašacca z dałučeńniem da jeŭrazony, razam z tym padtrymlivajuć hetuju ideju tolki 25%.
U CBOS nahadali, što samaja vysokaja padtrymka ŭviadzieńnia jeŭra ŭ Polščy była zafiksavanaja ŭ studzieni 2002 hoda, za dva hady da dałučeńnia krainy da Jeŭrasajuza, tady hety krok padtrymlivali 64% apytanych.
Krytyki idei ŭviadzieńnia adzinaj jeŭrapiejskaj valuty ŭ Polščy pierakonvajuć, što heta pryviadzie da straty častki suvierenitetu dziaržavy i pavyšeńnia cen, u toj čas, jak prychilniki zapeŭnivajuć, što heta ablehčyć pracu biznesmienaŭ i pamienšyć kursavyja ryzyki.
U toj ža čas dla ŭviadzieńnia jeŭra polskija ŭłady pavinny jašče vykanać šerah umoŭ, siarod jakich utrymańnie stabilnych cen, ŭstalavańnie biudžetnaha deficytu nie vyšej 3% VUP i dziarždoŭhu — nie bolš za 60% VUP.
Apytańnie było praviedzienaje CBOS 16-22 krasavika 2015. Usiaho było apytana 1027 čałaviek.
Ciapier čytajuć
Marakancaŭ, jakija zładzili bojku ŭ Homieli, vysyłajuć z krainy. Pierad hetym praviali publičnuju cyrymoniju ich vysyłki7
Kamientary