Na siońnia sabrać 100 tysiač podpisaŭ dla rehistracyi kandydatam u prezidenty zmoža tolki adzin pretendent ad apazicyi, zajaviŭ staršynia Partyi BNF Alaksiej Janukievič, vystupajučy 30 maja na pasiadžeńni sojma arhanizacyi.
Na jaho dumku, najbolšyja šansy sabrać nieabchodnyja dla rehistracyi podpisy maje Taćciana Karatkievič. «Kali paraŭnać resursy arhanizacyj, jakija padtrymlivajuć Karatkievič, z resursami inšych pretendentaŭ, a taksama patencyjalnyja metavyja hrupy Karatkievič i inšych, to stanie jasna, što adzinym kandydatam, jaki źbiare 100 tysiač podpisaŭ, budzie Karatkievič», — skazaŭ Janukievič.
Palityk adznačyŭ, što apošnim časam hučyć «šmat skiepsisu» ŭ dačynieńni da Karatkievič. «Ale hetaja ŭvaha da jaje, naadvarot, havoryć, što heta kandydat surjozny», — skazaŭ jon.
Janukievič ličyć, što ŭłady nie buduć rehistravać kandydatami ŭsich, chto źbiraŭ podpisy. «Dumaju, ułady dosyć prydzirliva buduć praviarać podpisy», — zaŭvažyŭ jon.
Taćciana Karatkievič — aktyvistka kampanii «Havary praŭdu», siabra Biełaruskaj sacyjał-demakratyčnaj partyi (Hramada). Čakajecca, što jana budzie vyłučanaja kandydatam ad inicyjatyvy «Narodny refierendum», u składzie jakoj akramia «Havary praŭdu» i Hramady taksama Partyja BNF i ruch «Za Svabodu».
Čarhovyja prezidenckija vybary pavinny prajści ŭ Biełarusi nie paźniej za 20 listapada. Najbolš vierahodnaj dataj ich praviadzieńnia ŭ CVK nazvali 15 listapada.
Akramia Karatkievič pra svaje prezidenckija ambicyi ŭžo zajavili staršynia Libieralna-demakratyčnaj partyi Siarhiej Hajdukievič, lidar Abjadnanaj hramadzianskaj partyi Anatol Labiedźka, pieršy namieśnik staršyni hramadskaha abjadnańnia «Tavarystva biełaruskaj movy imia Franciška Skaryny» Alena Anisim, staršynia Biełaruskaj partyi levych «Spraviadlivy śviet» Siarhiej Kalakin, biespracoŭny Juryj Šulhan, jakoha padtrymlivaje Biełaruskaja partyja «Zialonyja», a taksama hramadski aktyvist z Kobryna Aleś Miech, namieśnik kiraŭnika novaha ruchu «Za dziaržaŭnaść i niezaležnaść Biełarusi».
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak6
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary