U Minsku pa haračych śladach raskryty razbojny napad na 88-hadovaha mužčynu.
Jak paviedamlaje HUUS Minharvykankama, niekalki dzion tamu na śpiecliniju 102 pastupiła paviedamleńnie pra razbojny napad na staroha mužčynu ŭ padjeździe doma № 8 pa vulicy Piatra Hlebki. Dvoje nieviadomych z užyvańniem hvałtu skrali ŭ staroha 400 tysiač rubloŭ.
Paviedamleńnie było pieradadziena ŭ Frunzienskaje RUUS stalicy. Staršy apieratyŭny dziažurny zaryjentavaŭ bližejšyja narady i aŭtapatruli na pošuk złačyncaŭ, paviedamiŭšy ich prykmiety.
Praz 15 chvilin supracoŭnikami adździeła DAI Frunzienskaha RUUS i adździeła departamienta achovy Frunzienskaha rajona byli zatrymanyja niepracujučyja 24-hadovy žychar Biarezinskaha rajona i 21-hadovy žychar Puchavickaha rajona. Ich dastavili ŭ Frunzienskaje RUUS dla razboru.
Paciarpieły, jaki atrymaŭ cialesnyja paškodžańni, źmieščany ŭ balnicu. U dačynieńni da zatrymanych raspačata sprava pa č. 2 art. 207 KK (razboj, učynieny hrupaj asob).
Kamientary