Amnesty International pryznała Juryja Rubcova viaźniem sumleńnia

Pravaabrončaja arhanizacyja Amnesty International pryznała Juryja Rubcova viaźniem sumleńnia i razhladaje prysud jamu jak častku doŭhaterminovaj kampanii pieraśledu aktyvistaŭ hramadzianskaj supolnaści z boku biełaruskich uładaŭ.

Pra heta arhanizacyja paviedamiła 10 červienia, abviaściŭšy terminovuju akcyju pa jaho vyzvaleńni. Amnesty International zaklikaje mižnarodnuju supolnaść napisać zvaroty na imia Prezidenta dy Hienieralnaha Prakurora Respubliki Biełaruś, ukazvajučy, pry hetym, što Juryj Rubcoŭ źjaŭlajecca viaźniem sumleńnia, źniavolenym vyklučna za ažyćciaŭleńnie svajho prava na svabodu vykazvańnia mierkavańniaŭ, patrabavać ad biełaruskich ŭładaŭ jaho nieadkładnaha i biezumoŭnaha vyzvaleńnia, a taksama spynieńnia pieraśledu i zapałochvańnia aktyvistaŭ hramadzianskaj supolnaści i nahadać im pra ich abaviazalnictvy ŭ ramkach mižnarodnaha prava pavažać i abaraniać prava na svabodu vykazvańnia mierkavańniaŭ, mirnych schodaŭ i asacyjacyj.

Kiraŭnik Pravaabarončaha centra «Viasna» Aleś Bialacki źviartaje ŭvahu, što biełaruskija pravaabaroncy ad samaha pačatku pieraśledu hramadskaha aktyvista ličyli jaho palitviaźniem, i nazyvaje vielmi važnym fakt pryznańnia jaho viaźniem sumleńnia z boku Amnesty International.

«Heta ŭ pieršuju čarhu maralnaja padtrymka Juryju Rubcovu, jaki zaraz znachodzicca ŭ takich ciažkich umovach i jakomu sud vyznačyŭ dva hady kałonii.Pryznańnie jaho viaźniem sumleńnia dazvolić pieražyć jamu hety ciažki čas i zachavać moc duchu, — kaža Aleś Bialacki, były viazień sumleńniaju — Ja liču, što heta sihnał mižnarodnaj pravabarončaj supolnaści biełaruskim uładam i biełaruskamu hramadstvu, što sprava Juryja Rubcova maje adnaznačna palityčny padtekst».

Na dumku pravaabaroncy, heta taksama śviedčyć i pra toje, što mižnarodnyja pravabarončyja arhanizacyi, a Amnesty International źjaŭlajecca adnoj z samych upłyvovych pravabarončych arhanizacyj u śviecie, nie pasłablajuć uvahu da situacyi z pravami čałavieka ŭ Biełarusi, praciahvajuć manitorynh i sprabujuć takim čynam paŭpłyvać na niespraviadlivyja rašeńni biełaruskich uładaŭ.

Viazień sumleńnia Juryj Rubcoŭ, aktyvist z horada Homiela, byŭ prysudžany sudom Pružanskaha rajona da dvuch hadoŭ pazbaŭleńnia voli 28 maja 2015 hoda. Heta padoŭžyła jahony pieršapačatkovy termin, 18 miesiacaŭ, da jakoha jon byŭ prysudžany ŭ kastryčniku 2014 hoda za «abrazu sudździ «(pa artykule 391 Kryminalnaha kodeksa). Pa viersii abvinavačvańnia, Juryj Rubcoŭ adchiliŭ niekalki prapanoŭ pracy ŭ adkrytaj papraŭčaj ustanovie ŭ Pružanskim rajonie Bresckaj vobłaści, dzie adbyvaŭ pieršapačatkovy termin. Juryj Rubcoŭ abvinavačvaŭsia ŭ parušeńni Artykuła 415 Kryminalha Kodeksa («Uchileńnie ad adbyćcia pakarańnia»), ale śviedki na sudzie zajavili, što jon nie admaŭlaŭsia pracavać u pryncypie, ale rabiŭ heta ŭ znak pratestu suprać nizkaj zarabotnaj płaty ŭ turemnaj sistemie. Jon abskardžvaje hetaje rašeńnie i ŭ ciapierašni čas utrymlivajecca ŭ śledčym izalatary ŭ horadzie Baranavičy.

• 0
• 0
• 0
• 0
• 0
• 0
• 0
• 0