Ministerstva ekanomiki Biełarusi ŭpieršyniu sioleta abnarodavała vyniki sacyjalna-ekanamičnaha raźvićcia krainy i nazvała hałoŭnuju pryčynu recesii, što nazirajecca ŭ krainie.
U ahladzie, apublikavanym na sajcie ministerstva na hetym tydni, paviedamlajecca, što źnižeńnie vałavoha ŭnutranaha praduktu sioleta abumoŭlena paharšeńniem źniešnieekanamičnaha stanovišča. Na dumku Minekanomiki, hety faktar źjaŭlajecca asnoŭnaj pryčynaj taho, što VUP krainy apynuŭsia ŭ 2015 hodzie ŭ admoŭnaj śfiery.
Pavodle źviestak Minekanomiki, stanoŭčy ŭkład u VUP, zabiaśpiečany sioleta budaŭnictvam i handlem, nie zmoh kampiensavać padzieńnie, jakoje adbyłosia ŭ inšych siektarach ekanomiki — pramysłovaści, transparcie i suviazi.
Razam z tym śpiecyjalisty Minekanomiki ŭkazvajuć, što ŭ vyniku pryniatych žorstkich mier hrašova-kredytnaj i biudžetnaj palityki «ŭ krainie zabiaśpiečana makraekanamičnaja stabilizacyja, nazirajecca palapšeńnie zbałansavanaj ekanomiki».
«Stabilizavałasia situacyja na ŭnutranym valutnym i depazitnym rynkach; zabiaśpiečana stanoŭčaje salda źniešniaha handlu tavarami i pasłuhami; palepšany płaciežny bałans; nie dapuščana ŭzmacnieńnie inflacyjnych pracesaŭ i rezkaje źnižeńnie realnych hrašovych dachodaŭ nasielnictva; svoječasova i ŭ poŭnym abjomie ažyćciaŭlałasia pahašeńnie źniešnich dziaržaŭnych abaviazacielstvaŭ», — pieraličvajuć dasiahnieńni palityki, što pravodzicca, śpiecyjalisty Ministerstva ekanomiki.
Pry hetym jany źviartajuć uvahu na ciažkuju situacyju ŭ realnym siektary ekanomiki. Pavodle acenak Minekanomiki, ściskańnie asnoŭnych ekspartnych rynkaŭ razam z abmiežavańniem unutranaha popytu «pryviało da skaračeńnia vytvorčaści ŭ bolšaści halin pramysłovaści».
***
Nahadajem, zhodna sa źviestkami za studzień—maj 2015 hoda, jakija Nacyjanalny statystyčny kamitet abnarodavaŭ u minuły aŭtorak, pramysłovaja vytvorčaść u zhadany pieryjad źniziłasia na 7,7% u paraŭnańni z anałahičnym letašnim pieryjadam.
U studzieni—mai 2015 hoda abjom pramvytvorčaści pavialičyŭsia ŭ naftapierapracoŭcy (rost vypusku skłaŭ 1%) i chimičnaj vytvorčaści (vypusk pradukcyi vyras na 6,8%). Va ŭsich astatnich vidach ekanamičnaj dziejnaści sioleta nazirajecca źnižeńnie abjomu pramysłovaj vytvorčaści.
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary