U Śvietłahorsku milicyja sarvała nabaženstva, preśvitar i viernik aštrafavanyja
U kancy maja ŭ pryvatny dom pa vulicy Paryckaja, 4a ŭ Śvietłahorsku padčas nabaženstva supolnaści Mižnarodnaha sajuza cerkvaŭ jevanhielskich chryścijan-baptystaŭ uvarvalisia dva čałavieki ŭ cyvilnym i pačali videazdymku.
Na prośbu pradastavić paśviedčańnie asoby abo jakija-niebudź dakumienty jany nie reahavali, chadzili pa zale ź videakamieraj i razmaŭlali pa telefonie. Zatym u dom uvajšli 11 čałaviek u milicejskaj formie i sa zbrojaj i skamandavali zastavacca ŭsim na miescach. Kiravaŭ usim hetym major Viačasłaŭ Kažadub.
Padčas malitvy jany padyšli da preśvitara carkvy Uładzimiru Dajnieki, zapatrabavali ŭstać z kaleniaŭ i pračytać pastanovu prakurora na ahlad žyłoha pamiaškańnia. Paśla admovy taho heta zrabić, preśvitara prymusova pavieźli ŭ RAUS, dzie skłali pratakoł ab administracyjnym pravaparušeńni pa č.1 i č.2 art. 23.34 KaAP RB za «parušeńnie ustanoŭlenaha paradku praviadzieńnia schodu, mitynhu, vuličnaha šeścia, demanstracyi, pikietavańnia», paviedamlaje fondsp.org.
Pa hetym ža artykule skłali pratakoł i na viernika Juryja Vaładziankova. Usich prysutnych na nabaženstvie pierapisali.
8 červienia sud Śvietłahorskaha rajona aštrafavaŭ Uładzimira Dajnieku i Juryja Vaładziankova na 3,6 młn rubloŭ (223 dalary) kožnaha.
Carkva Śvietłahorska prosić malicca i chadajničać ab tym, kab była admieniena pastanova ab nakładańni štrafu na bratoŭ i chryścijanie ŭ Biełarusi mahli b bieśpieraškodna pravodzić mirnyja nabaženstvy.
-
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
-
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»2
Kamientary