Aŭkcyjonny dom Auktionshaus Weidler ŭ niamieckim Niurnbierhu pradaŭ 14 akvarelaŭ, jakija mierkavana byli stvorany Adolfam Hitleram z 1908 pa 1922 hady.
Malunki pajšli z małatka za amal 450 tysiač dalaraŭ. Samym darahim byŭ malunak zamka Nojšvajnštajn u Bavaryi — hetuju akvarel kupiŭ inviestar z Kitaja za 110 tysiač dalaraŭ.
Aŭkcyjonny dom nie staŭ raskryvać imionaŭ pakupnikoŭ, adznačyŭšy tolki, što heta ludzi, jakija cikaviacca vysokim mastactvam.
Niurnbierhski aŭkcyjonny dom užo nie ŭpieršyniu vystaŭlaje na tarhi karciny Hitlera. Niahledziačy na toje što mastackuju kaštoŭnaść rabot ekśpierty aceńvajuć vielmi nizka, za karciny niaredka addajuć bujnyja sumy.
Da stvareńnia nacysckaj partyi Adolf Hitler maryŭ stać mastakom. Za svajo žyćcio jon stvaryŭ kala troch tysiač tvoraŭ, asnoŭnuju častku jakich składali ałoŭkavyja malunki.
Prapahanda nacyzmu ŭ Hiermanii zabaronienaja, adnak pradavać karciny Hitlera zakon nie zabaraniaje, bo jany nie ŭtrymlivajuć zabaronienych simvałaŭ i nie uschvalajuć nacysckuju partyju i ideałohiju.
Kamientary