U Breście čałaviek u formie NKVD pytaŭ, ci čakajuć žychary viartańnia polskaj ułady
Bieraście na adzin dzień viarnułasia ŭ stalinskija časy.
Hadavinu napadu hitleraŭskaj Niamieččyny na Saviecki Sajuz ułady Bieraścia pieratvaryli ŭ šou. Aficyjna impreza nazyvałasia – «Piaty mižnarodny fiestyval vajenna-histaryčnaj rekanstrukcyi 22 červienia. Bieraściejskaja krepaść».
Na adnoj z centralnych vulic Bieraścia – Savieckaj – praviali teatralizavanuju pastanoŭku apošniaha mirnaha dnia ŭ Bieraści 21 červienia 1941 hoda «Zaŭtra była vajna». Horad napoŭniŭsia ludźmi ŭ formie NKVDšnikaŭ dy cyvilnym adzieńni savieckaha času. Šmat chto baviŭ čas u vuličnych kaviarniach, ludzi viesialilisia i spažyvali ałkahol. Vulicu zastavili vajskovaj technikaj tych časoŭ dy zaviesili płakatami z savieckaj prapahandaj. Čałaviek u formie aficera NKVD namahaŭsia žartavać ź bieraściejcami: «Čakajecie, što znoŭ vierniecca polskaja ŭłada? My z vas kiški pavytrasajem…»
Dzie-nidzie byli vidać partrety Stalina, hučała muzyka dy pieśni, jakija ŭsłaŭlali adnaho z samych kryvavych dyktataraŭ XX stahodździa. Na imprezie sustrakalisia rasiejskija turysty, jakija chadzili ŭ sakołkach z partretam Pucina i hieorhijeŭskimi stužkami (ale ich nie tak šmat, jak było 9 maja). Hetkaje «śviata» dapaŭniaje arkiestr i tancy.
Ciapier čytajuć
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»17
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary